قازاقتان شىققان جالعىز ايەل-ۇشقىش كىم؟

استانا. KAZINFORM - ەكىنشى دۇنيەجۇزىلىك سوعىسى جىلدارى قازاقستاننان 1 ميلليوننان استام جاۋىنگەر ەل قورعاۋعا اتتانعان. ەرلەرمەن قاتار مانشۇك مامەتوۆا، ءاليا مولداعۇلوۆا، حيۋاز دوسپانوۆا سىندى قازاقتىڭ قايسار قىزدارى دا سوعىستا جانقيارلىقپەن ەرلىك كورسەتتى. بۇگىن قازاقستان رەسپۋبليكاسىنىڭ حالىق قاھارمانى، باتىر، قازاقتان شىققان جالعىز ايەل-ۇشقىش حيۋاز دوسپانوۆا جايلى دەرەكتەردى ۇسىنامىز:

- حيۋاز قايىر قىزى دوسپانوۆا 1922 -جىلى 15-مامىردا گۋريەۆ قالاسىندا (قازىر اتىراۋ وبلىسى) دۇنيەگە كەلگەن.

- قاراپايىم بالىقشىلار وتباسىنان شىققان حيۋاز بالا كەزىنەن ۇشقىش بولۋدى ارمانداعان.

- سوعىس باستالعان جىلدارى تىلدا قىزمەت ەتىپ، كەيىننەن ۇشقىشتار دايىندايتىن ۋچيليشەگە وقۋعا تۇسكەن.

- مارينا راسكوۆا باسقارعان 46-گۆارديالىق پولكىنىڭ قۇرامىندا اۋە شايقاستارىنا قاتىسىپ، تۇنگى بومبالاۋشى - ۇشقىشتار پولكىندە شتۋرمان قىزمەتىن اتقارعان. ايگىلى ۇشقىش حيۋازدىڭ تالابىن بايقاپ، ءۇمىت ارتقان.

- «قىزىل جۇلدىز»، Ⅱ دارەجەلى «وتان سوعىسى»، «ەڭبەك قىزىل تۋ» وردەندەرىمەن ماراپاتتالعان.

- مانشۇك مامەتوۆامەن ءبىر كوشەدە تۇرىپ، كورشى بولعان.

- اسپانداعى شايقاستا 300 رەت بولىپ، 14 رەت ۇشاقتان قۇلاعان.

- ءتورت رەت اۋىر جاراقات العانىنا قاراماستان، بەرىلمەي سوعىس الاڭىنا شىعىپ وتىرعان.

- 2004 -جىلى پرەزيدەنتتىڭ جارلىعىمەن حالىق قاھارمانى اتاعى بەرىلگەن.

- حيۋاز دوسپانوۆانىڭ قۇرمەتىنە ەير استانا اۋەكومپانياسىنىڭ Embraer 190 ۇشاعى اتالعان.

- «اتىراۋ» حالىقارالىق اۋەجايىنا، اقتوبە، الماتى قالالارىندا كوشەلەرگە حيۋاز دوسپانوۆا ەسىمى بەرىلدى.

- قايسار ۇشقىش 86 جاسىندا 2008 -جىلى الماتى قالاسىندا ومىردەن ءوتتى.

دەرەككوز:el.kz