قازاقستاندىقتار مەملەكەتتىك مەرەكەلەردى كوبىنە وتباسىمەن وتكىزەدى - زەرتتەۋ

زەرتتەۋ قورىتىندىسىنا سايكەس، رەسپوندەنتتەردىڭ 68 پايىزى مەرەكەلەردى جاقىندارىمەن بىرگە وتكىزەتىنىن ايتقان. بۇل كورسەتكىش وڭىرلەردە ەرەكشە جوعارى دەڭگەيدە تىركەلگەن. اتاپ ايتقاندا، ۇلىتاۋ وبلىسىندا - 97 پايىز، باتىس قازاقستان وبلىسىندا - 91,7 پايىز، اباي وبلىسىندا - 89,5 پايىز.

مامانداردىڭ پىكىرىنشە، بۇل مەملەكەتتىك مەرەكەلەردى اتاپ وتۋدە وتباسىلىق داستۇرلەردىڭ ماڭىزدى ءرول اتقاراتىنىن اڭعارتادى.

سونىمەن قاتار ساۋالناماعا قاتىسۋشىلار بىرنەشە جاۋاپ نۇسقاسىن تاڭداعانىن ەسكەرسەك، رەسپوندەنتتەردىڭ 48,8 پايىزى مەرەكەلەردى دوستارىمەن، ارىپتەستەرىمەن نەمەسە كورشىلەرىمەن بىرگە وتكىزگەندى ءجون كورەتىنىن كورسەتكەن. مۇنداي ءۇردىس اسىرەسە باتىس قازاقستان، اقتوبە جانە ۇلىتاۋ وبلىستارىندا جيى بايقالعان.

ال كونسەرتتەرگە، فەستيۆالدەر مەن شەرۋلەرگە قاتىسۋدى قاتىسۋشىلاردىڭ 36,4 پايىزى تاڭداعان.

زەرتتەۋ ناتيجەلەرى مەملەكەتتىك مەرەكەلەردىڭ قازاقستاندىقتار ءۇشىن جاي عانا دەمالىس كۇنى ەمەس، جاقىن ادامدار اراسىنداعى بايلانىستى نىعايتاتىن جانە ورتاق قۇندىلىقتاردى دارىپتەيتىن قوعامدىق ءارى وتباسىلىق داستۇرگە اينالعانىن كورسەتتى.

سوڭعى جىلدارى ەلىمىزدە مەملەكەتتىك مەرەكەلەردى وتباسىلىق فورماتتا اتاپ ءوتۋ ءۇردىسى كۇشەيىپ كەلەدى.

ايتا كەتەيىك، بۇعان دەيىن ح ق و- لار مامىر ايىنداعى مەرەكەلەرگە بايلانىستى قالاي جۇمىس ىستەيتىنى حابارلاندى.