قازاقستاندىقتار اپتاسىنا نەشە ساعات جۇمىس ىستەيدى؟

كىمدەر كوبىرەك جۇمىس ىستەيدى؟

جۇمىس ۋاقىتى قىزمەتكەردىڭ جۇمىسپەن قامتىلۋ مارتەبەسىنە قاراي ەرەكشەلەنەدى.

41 ساعات

جالدامالى قىزمەتكەرلەردىڭ اپتالىق ورتاشا جۇمىس ۋاقىتى

36 ساعات

ءوزىن-ءوزى جۇمىسپەن قامتىعانداردىڭ اپتالىق ورتاشا جۇمىس ۋاقىتى

جالدامالى قىزمەتكەرلەر ءوزىن-ءوزى جۇمىسپەن قامتىعاندارعا قاراعاندا اپتاسىنا ورتا ەسەپپەن بەس ساعات ارتىق ەڭبەك ەتەدى.

قازاقستاندا قانشا ادام جۇمىس ىستەيدى؟

2026-جىلدىڭ ءۇشىنشى توقسانىندا قازاقستان ەكونوميكاسىنىڭ ءتۇرلى سالاسىندا 9 ميلليون 403,4 مىڭ ادام جۇمىسپەن قامتىلعان.

ولاردىڭ:

7 ميلليون 247,7 مىڭى نەمەسە 77,1 پايىزى - جالدامالى قىزمەتكەرلەر؛

2 ميلليون 155,7 مىڭى نەمەسە 22,9 پايىزى - ءوزىن-ءوزى جۇمىسپەن قامتىعاندار.

2025-جىلدىڭ سايكەس كەزەڭىمەن سالىستىرعاندا جۇمىسپەن قامتىلعان حالىق سانى 73,3 مىڭ ادامعا ارتقان. جالدامالى قىزمەتكەرلەر سانى ءبىر جىل ىشىندە 92,3 مىڭ ادامعا كوبەيدى.

قازاقستاندىقتار قاي سالالاردا كوپ ەڭبەك ەتەدى؟

جۇمىسپەن قامتىلعان حالىقتىڭ ەڭ كوپ ۇلەسى ساۋدا سالاسىندا تىركەلگەن. ودان كەيىن ءبىلىم بەرۋ، ونەركاسىپ جانە اۋىل شارۋاشىلىعى سالالارى ورنالاسقان.

ساۋدا - 16,8 پايىز؛

ءبىلىم بەرۋ - 13,3 پايىز؛

ونەركاسىپ - 12,6 پايىز؛

اۋىل شارۋاشىلىعى - 10,5 پايىز.

وسى ءتورت سالادا قازاقستانداعى جۇمىسپەن قامتىلعان حالىقتىڭ 53,2 پايىزى ەڭبەك ەتەدى.

جۇمىسسىزدىق دەڭگەيى قانداي؟

2026-جىلدىڭ ءۇشىنشى توقسانىندا ەلىمىزدەگى جۇمىسسىزدىق دەڭگەيى 4,5 پايىز بولدى. جۇمىسسىزدار سانى 445,6 مىڭ ادامعا جەتتى.

ال 15 پەن 34 جاس ارالىعىنداعى جاستار اراسىنداعى جۇمىسسىزدىق دەڭگەيى 2,9 پايىزدى قۇرادى.

كىم جۇمىسسىز دەپ ەسەپتەلەدى؟

حالىقارالىق ەڭبەك ۇيىمىنىڭ ادىستەمەسى بويىنشا تابىستى جۇمىسى جوق، ونى بەلسەندى ىزدەپ جۇرگەن جانە جۇمىسقا كىرىسۋگە دايىن ادام جۇمىسسىز سانالادى.