قازاقستاندىق وقۋشىلار ا ق ش-تاعى درون-فۋتبول چەمپيوناتىندا ءبىرىنشى ورىن الدى

تۋرنيرگە 17 ەلدەن 100دەن استام كوماندا قاتىستى. قازاقستان جارىسقا بەس كوماندا جىبەردى - تورتەۋى استانادان، بىرەۋى اقتوبەدەن. وقۋشىلار وسى دۇيسەنبىدە چەمپيوناتتىڭ ەكى ديستسيپليناسىندا التىن مەدالمەن ەلگە ورالدى.

Super Pilot جەكە ديستسيپليناسىندا ءبىرىنشى ورىندى استانا قالاسىنىڭ №8 مەكتەبىنىڭ 9-سىنىپ وقۋشىسى امانتاي ارسەن يەلەندى. جانىبەك راجابوۆ جاتتىقتىرۋشىنىڭ جەتەكشىلىگىمەن ارسەن چەمپيوناتتىڭ ەڭ كۇردەلى ديستسيپليناسىندا قارسىلاستارىنان وزىپ شىقتى.

ەكىنشى ورىندى استانالىق №82 مەكتەپتىڭ 8-سىنىپ وقۋشىسى حايراللا ايسۇلتان الدى. جاتتىقتىرۋشىسى - دينمۇحامەد ورىنباسار.

Drone Soccer Class 20 كوماندالىق سىناماسىندا قازاقستاندىق وقۋشىلار ءۇش جۇلدەلى ورىننىڭ بارلىعىن يەلەندى. ءبىرىنشى ورىن - اقتوبەدەن Amangos ەلاعان باۋىرجان ۇلى جاتتىقتىرۋشى باستاعان Kemel Bilim كومانداسى. ەكىنشى ورىن - استانانىڭ №8 مەكتەبى، ءۇشىنشى ورىن - №82 مەكتەپ.

كوماندالار چەمپيوناتقا ءبىر جىلدان استام ۋاقىت دايىندالدى. ا ق ش-قا اتتانباس بۇرىن كوماندالار استانادا رەسمي ۇلتتىق ىرىكتەۋدەن ءوتتى، ال امەريكالىق تۋرنيرگە قاتىسۋ ءوتىنىمىن FIDA حالىقارالىق فەدەراتسياسىنىڭ الدىندا قورعاۋ قاجەت بولدى.

- ءبىز قازاقستانداعى اسسوتسياتسيا وكىلدەرى رەتىندە ا ق ش- تاعى جارىسقا ءوتىنىم بەرۋ ءۇشىن ۇزاق جۇمىس جاسادىق، ويتكەنى بالالارىمىزدىڭ ناتيجەلەرىن كورىپ، ولاردىڭ حالىقارالىق ارەنادا وزدەرىن تانىتۋعا قابىلەتتى ەكەنىن بىلدىك. بۇل مەن ءۇشىن قازاقستاندىق درون- فۋتبولدىڭ شىن مانىندە العاشقى ۇلكەن حالىقارالىق جەڭىستەرىنىڭ ءبىرى. مەن ءار وقۋشىمەن جانە ءار جاتتىقتىرۋشىمەن شەكسىز ماقتانامىن، - دەيدى Kazakhstan Drone Soccer Association ديرەكتورى ءالىحان رىسپاي.

چەمپيونات قورىتىندىسى بويىنشا قازاقستاندىق كوماندالار ەكى ساناتتا ونەر كورسەتتى. 20-سىنىپتا - 20 سانتيمەترگە دەيىنگى دروندار - 17 ەلدىڭ اراسىندا ءۇش جۇلدەلى ورىننىڭ بارلىعىن الدى. 40-سىنىپتا، ياعني ماشينالار ەكى ەسە ۇلكەن بولاتىن ساناتتا، بارلىق جارىستار بويىنشا ۇزدىك ناتيجە كورسەتتى.

درون-فۋتبول - قورعانىش سفەراسىنا ورنالاستىرىلعان درونداردى باسقاراتىن قاتىسۋشىلار قارسىلاستىڭ ساقيناسى ارقىلى ۇشىپ ءوتىپ «گول» سوعۋعا تىرىساتىن كوماندالىق تەحنولوگيالىق سپورت ءتۇرى. ماتچ 5 كە-5 فورماتىندا وتەدى: ءبىر شابۋىلداۋشى ۇشقىش (سترايكەر) جانە ءتورت قورعاۋشى. نەگىزگى مىندەت - كوماندا قيمىلدارىن ۇيلەستىرۋ، شەكتەۋلى كەڭىستىكتە باسقارۋ جانە جوعارى ۇشقىشتىق دالدىك.

جارىستار درون ولشەمىنە بايلانىستى سىنىپتارعا بولىنەدى. ەڭ كەڭ تاراعاندارى - Class 20 (سفەرا ديامەترى 20 س م) جانە Class 40 (40 س م). درون نەعۇرلىم كىشى بولسا، ۇشقىشتىق دالدىككە قويىلاتىن تالاپتار سوعۇرلىم جوعارى بولادى.