قازاقستاندىق مەكتەپ ديرەكتورلارى قىتايدىڭ ءبىلىم جۇيەسىندەگى جاساندى ينتەللەكت تاجىريبەسىن مەڭگەردى
استانا. KAZINFORM - قازاقستاندىق مەكتەپ ديرەكتورلارى قىتايدا وتكەن حالىقارالىق سەميناردا جاساندى ينتەللەكتتى ءبىلىم بەرۋ جۇيەسىنە ەنگىزۋدىڭ وزىق تاجىريبەسىمەن تانىستى، دەپ حابارلايدى وقۋ-اعارتۋ مينيسترلىگى.
قىتاي حالىق رەسپۋبليكاسىنىڭ ءۇرىمجى قالاسىندا وتكەن «جاساندى ينتەللەكت تەحنولوگيالارىن ءبىلىم بەرۋ جۇيەسىندە قولدانۋ» حالىقارالىق سەمينارىنا قازاقستاننان «كەلەشەك مەكتەپتەرى» جوباسىنىڭ 50 گە جۋىق ديرەكتورى قاتىستى.
سەمينار بارىسىندا قاتىسۋشىلار قىتايلىق ارىپتەستەرىمەن تاجىريبە الماسىپ، ءبىلىم بەرۋ ۇيىمدارىن باسقارۋدىڭ زاماناۋي تاسىلدەرىن زەردەلەدى. سونداي-اق سيفرلىق شەشىمدەردى پايدالانۋ، جاساندى ينتەللەكت قۇرالدارىن ءبىلىم بەرۋ ۇدەرىسىنە ەنگىزۋ جانە مەكتەپتەر مەن جوعارى وقۋ ورىندارى اراسىنداعى ءتيىمدى ىنتىماقتاستىق ۇلگىلەرىمەن تانىستى.
«سەمينار قورىتىندىسى بويىنشا زەردەلەنگەن تاجىريبەلەردى "كەلەشەك مەكتەپتەرىنىڭ" جۇمىسىنا كەزەڭ-كەزەڭىمەن ەنگىزۋ، سونداي-اق قازاقستاندىق جانە قىتايلىق ءبىلىم بەرۋ ۇيىمدارى اراسىنداعى كاسىبي ىنتىماقتاستىقتى جالعاستىرۋ جوسپارلانۋدا»،- دەپ حابارلايدى مينيسترلىك.
