قازاقستاندىق جۋرناليست ينديرا جىلقايداروۆا ومىردەن وزدى

- ينديرا جىلقايداروۆا ومىردەن ءوتتى… بىز ينديرامەن 7-ارنادا بىرگە جۇمىس ىستەدىك. ول وتە مەيىرىمدى، جاناشىر، ۇنەمى كۇلىمدەپ جۇرەتىن جان ەدى. ءوز ىسىنە ادال، كاسىبي دەڭگەيى جوعارى، مىقتى جۋرناليست بولاتىن. ء بىر كەزدەرى رەداكتسيانىڭ كۇندەلىكتى تىرشىلىگىن، ەفير مەن جۇمىستىڭ قىزىعى مەن شىجىعىن بىرگە بولىسكەن جاس ارىپتەستەرىڭ تۋرالى وسىنداي قارالى حابار ەستۋ وتە اۋىر… جاتقان جەرىڭ جايلى بولسىن، ينديرا! جارقىن بەينەڭ ماڭگى جادىمىزدا قالادى، - دەپ جازدى بەلگىلى تەلەجۇرگىزۋشى ءساندى سۇلتان Facebook پاراقشاسىنا.

ارىپتەستەرىنىڭ ايتۋىنشا، جۋرناليست سوڭعى جىلدارى اۋىر دەرتپەن كۇرەسكەن.

- دۇنيە جالعان…. مىنا اسپان، قالا مەن دالا، تىرشىلىكتىڭ ءبارى جالعان، ءبارى قالادى… ءومىردى بىتپەيتىندەي، كۇنىمىز تاۋسىلمايتىنداي ويلايمىز… جانىمىزداعى ادامدار ۇنەمى بىرگە جۇرەتىندەي سەنەمىز. الىستاسا، قايتا جولىعامىز دەپ ويلايمىز. ءبىراق ءار ءسات، ءار ادامنىڭ باعالى ەكەنىن ۇمىتىپ كەتەمىز. اتتەڭ…. جارقىراعان ينديرانى دا سولاي ويلادىق، ورتامىزعا ورالادى، قايتادان جايناپ، قادامىن نىق باسىپ، باسىن تىك ۇستاپ، وتكىر سۇراقتارىمەن ۇكىمەت، پارلامەنتتەن مىقتى سيۋجەتتەرىن Khabartv «جاڭالىقتارى»، «جەتى كۇندە» جازادى دەپ سەندىك. جالعان ءومىر اي… ول بولمىسى بولەك، مىنەزدى قىز ەدى. جازۋى بولەك ەدى. ەشكىمگە ۇقساتپاي جازعاندى ۇناتاتىن. ءماتىنىن ماقتاساڭ بالاشا قۋاناتىن. سىرقاتتانعالى جەلىدە حابارلاسىپ جازا قالساڭ، لەزدە جاۋاپ بەرەتىن، قۋانىپ…. ورالعىم كەلەدى تەزىرەك ورتالارىڭىزعا دەيتىن… كوپ ارمان-تىلەگى ورىندالمادى اۋ، - دەپ جازدى ارىپتەسى باعدات ابدۋحوجايەۆا.