قازاقستاندىق ءتورت بوكسشى الەمدىك رەيتينگتىڭ كوشىن باستاپ تۇر
استانا. قازاقپارات - World Boxing ۇيىمىنىڭ الەمدىك رەيتينگى جاڭاردى. جاڭا تىزىمدە قازاقستان قۇراماسىنىڭ ءتورت بوكسشىسى ءوز سالماق دارەجەسىندە ءبىرىنشى ورىندا تۇر.
الەمدىك رەيتينگتە كوش باستاپ تۇرعان قازاقستاندىق سپورتشىلار:
سانجار تاشكەنباي - 50 كەلى؛
تورەحان سابىرحان - 70 كەلى؛
ناتاليا بوگدانوۆا - 70 كەلى؛
ايبەك ورالباي - 90 كەلىدەن جوعارى سالماق دارەجەسى.
وسىلايشا، ەرلەر قۇراماسىنىڭ ءۇش وكىلى مەن ايەلدەر قۇراماسىنىڭ ءبىر بوكسشىسى الەمدىك رەيتينگتىڭ ءبىرىنشى ساتىسىنا جايعاستى.
تاعى التى بوكسشى ۇزدىك ۇشتىككە ەندى
جاڭارتىلعان رەيتينگتە قازاقستان قۇراماسىنىڭ تاعى التى سپورتشىسى ءوز سالماق دارەجەلەرىندەگى ۇزدىك ءۇش بوكسشىنىڭ قاتارىنا كىردى.
ەكىنشى ورىندا:
نازىم قىزايباي - 48 كەلى؛
الۋا بالقىبەكوۆا - 51 كەلى؛
ماحمۇد سابىرحان - 55 كەلى؛
ايدا ابىكەيەۆا - 65 كەلى.
ءۇشىنشى ورىندا:
دينا يسلامبەكوۆا - 80 كەلىدەن جوعارى سالماق؛
نۇربەك ورالباي - 85 كەلى.
جالپى، World Boxing رەيتينگىنىڭ ۇزدىك ۇشتىگىنە قازاقستان قۇراماسىنىڭ ون بوكسشىسى ەندى. ونىڭ تورتەۋى ءبىرىنشى، تورتەۋى ەكىنشى، ەكەۋى ءۇشىنشى ورىندا تۇر.