قازاقستاندىق بوكسشى ساۋل الۆارەستىڭ وزىنە قالاي قولداۋ كورسەتەتىنىن ايتتى
استانا. KAZINFORM - قازاقستاندىق بوكسشى بەك نۇرماعامبەت ساۋد ارابياسىنىڭ ەر-رياد قالاسىندا وتكەن بوكس كەشىندە مەكسيكالىق ساۋل الۆارەسپەن ءتورتىنشى رەت ءبىر كەشتە ونەر كورسەتتى.
بۇل جولى الۆارەس باستى جەكپە-جەكتە كريستيان مبيلليدى جەڭىپ، ەكىنشى ورتا سالماقتا WBC چەمپيوندىق بەلبەۋىن يەلەندى.
نۇرماعامبەت بۇعان دەيىن اتالعان كەشتە ماركوس ۆاسكەس رودريگەستى ءبىرىنشى راۋندتا نوكاۋتقا ءتۇسىرىپ، جانكۇيەرلەردىڭ نازارىن اۋدارعان ەدى. قازاقستاندىق بوكسشى سۇحباتىندا جەكپە-جەك، الەكساندر ۋسيكپەن اڭگىمەسى جانە «جىل نوكاۋتى» نوميناتسياسىنا قاتىستى پىكىرىن ءبولىستى. سونداي-اق الۆارەسپەن قارىم-قاتىناسى تۋرالى دا ايتىپ بەردى.
«ءيا، ول ماعان وتە جاقسى قارايدى ءارى ۇنەمى قولداۋ بىلدىرەدى. ءبىز جاقىن دوس بولماساق تا، ول ءاردايىم نازار اۋدارىپ، پايدالى كەڭەستەرىن بەرەدى. ماعان ساتتىلىك تىلەيدى، ال جاقسى ناتيجە كورسەتسەم، ماقتاپ، قۇتتىقتايدى. مەن وعان وسىنىڭ ءبارى ءۇشىن العىس ايتامىن. مەن سياقتى جاس بوكسشى ءۇشىن بۇل - ۇلكەن موتيۆاتسيا. ول مۇنىڭ قانشالىقتى ماڭىزدى ەكەنىن تۇسىنەدى»، - دەدى بەك نۇرماعامبەت.
ايتا كەتەيىك، نۇرماعامبەت بۇعان دەيىن ەكىنشى ورتا سالماقتا IBF چەمپيونى اتانعان وسلەيس يگلەسياستى جەكپە-جەككە شاقىرعان بولاتىن.
