قازاقستاندىق بلوگەر داستان مۇحاممەدراحىم: قىتاي - بولەك پلانەتا
استانا. KAZINFORM - قازاقستاندىق travel بلوگەر داستان مۇحاممەدراحىم CGTN گە بەرگەن سۇحباتىندا قىتاي تۋرالى اسەرىمەن ءبولىسىپ، وسى نارىققا دەگەن جوسپارلارى تۋرالى ايتتى.
ونىڭ سوزىنشە قىتاي ەلى وعان ۇلكەن اسەر قالدىرعان: «مەن ءۇشىن قىتاي - بولەك پلانەتا. ول جەردە مۇلدەم باسقا جاعداي، ءوز الەۋمەتتىك جەلىلەرى جانە وزىندىك ەرەكشەلىگى بار».
داستان قىتايعا بىرنەشە رەت شىعارماشىلىق ساپارمەن كەلگەن. ول گۋاڭجوۋ قالاسىن، جاڭجياجيەنىڭ ەنىڭ تابيعي سۇلۋلىعى مەن حۋانشان تاۋلارىن تۇسىرگەن. سول بەينەجازبالارىنىڭ ءبىرى شامامەن 1,5 ميلليون قارالىم جيناعان.
«مەن جاڭجياجيە مەن حۋانشان تاۋلارىنداعى تاڭعاجايىپ تابيعاتتى ۆيدەوعا ءتۇسىردىم. ال بولاشاقتا ايگىلى اۆاتار تاۋلارىنا بارۋدى جوسپارلاپ وتىرمىن»،- دەدى بلوگەر.
داستان قازاقستاننىڭ تابيعي سۇلۋلىعىن قىتايلىق اۋديتورياعا كورسەتۋ ءۇشىن قىتايدىڭ RedNote جانە Douyin الەۋمەتتىك جەلىلەرىندە اككاۋنتتار اشۋدى جوسپارلاپ وتىر. پىكىر الماسۋدىڭ ارقاسىندا قىتايلىق تۋريستەر اراسىندا قازاقستانعا دەگەن قىزىعۋشىلىق بىرنەشە ەسە ارتتى.
داستان WIBA AWARDS سىيلىعىنىڭ يەگەرى. ونى ءوزى «ساياحات بلوگەرلەرىنە ارنالعان وسكار» دەپ اتايدى. بۇل ونىڭ قىتايلىق كورەرمەنگە ءوز وتانىمنىڭ سۇلۋلىعىن تانىستىرسام،- دەگەن نيەتىنە سەنىمدىلىك بەرەدى.
