قازاقستاندىق ايەل ۇلىنىڭ ساياباقتا ءان ايتقانى ءۇشىن ايىپپۇل تولەدى
استانا. KAZINFORM - سوت قاۋلىسى زاڭدى كۇشىنە ەندى. قوستاناي وبلىسى رۋدنىي قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتى كامەلەتكە تولماعان بالانىڭ ۇساق بۇزاقىلىق جاساۋىنا قاتىستى ءىستى قارادى، دەپ جازادى zakon.kz.
سوتتىڭ باسپا ءسوز قىزمەتى 2026 -جىلعى 13-قازاندا حابارلاعانداي، جاس ءوسپىرىم قالالىق مادەنيەت جانە دەمالىس ساياباعىندا بالاعات سوزدەرى بار اندەر ورىنداعان. «وسىلايشا، جاس ءوسپىرىم قوعامدىق ءتارتىپ پەن ازاماتتاردىڭ تىنىشتىعىن بۇزعان. سوت وتىرىسىندا بالانىڭ اناسى كىناسىن تولىق مويىنداپ، ۇلىنىڭ TikTok الەۋمەتتىك جەلىسىن بەلسەندى پايدالاناتىنىن ءتۇسىندىردى. ساياباقتا ول جازىلۋشىلارىمەن كەزدەسىپ، ولاردىڭ ءوتىنىشى بويىنشا بالاعات سوزدەرى بار ءان ورىنداعان»، - دەپ ءتۇسىندىردى سوتتا.
ناتيجەسىندە ايەل اكىمشىلىك قۇقىق بۇزۋشىلىق تۋرالى كودەكستىڭ 435-بابىندا كوزدەلگەن قۇقىق بۇزۋشىلىقتى جاساعانى ءۇشىن كىنالى دەپ تانىلدى. وعان 21193 تەڭگە كولەمىندە اكىمشىلىك ايىپپۇل تولەۋ مىندەتتەلدى. سوت قاۋلىسى زاڭدى كۇشىنە ەندى. بۇعان دەيىن ىشكى ىستەر ءمينيسترى ەرجان سادەنوۆ قازاقستان زاڭناماسىنا «ترەش-ستريمينگ» ۇعىمىن ەنگىزۋ مۇمكىندىگىنە قاتىستى پىكىر بىلدىرگەن بولاتىن.
