قازاقستاننىڭ ەڭ ىقپالدى 50 كاسىپكەرى اتالدى

بۇل - Forbes Kazakhstan-نىڭ ىقپالدى كاسىپكەرلەر رەيتينگىن 16-رەت جاريالاۋى. ءتىزىم كاسىپكەرلەردىڭ قارجىلىق جاعدايىمەن قاتار، ولاردىڭ ەل ەكونوميكاسىنداعى ىقپالىنا، ءىرى كومپانيالاردى باسقارۋىنا، ينۆەستيتسيالىق جوبالارىنا جانە قوعامدىق قىزمەتىنە قاراي جاسالعان.

باسىلىمنىڭ مالىمەتىنشە، سوڭعى ءبىر جىلدا بانك، تاۋ-كەن ءوندىرىسى، مەتاللۋرگيا، قۇرىلىس جانە كولىك- لوگيستيكا سالالارىنداعى ءىرى مامىلەلەر مەن وزگەرىستەر كاسىپكەرلەردىڭ رەيتينگتەگى پوزيتسيالارىنا اسەر ەتكەن.

العاشقى بەستىكتە كىمدەر بار؟

1-ورىن - ۆياچەسلاۆ كيم، 57 جاستا.

Kaspi.kz ديرەكتورلار كەڭەسىنىڭ ءتوراعاسى جانە كومپانيانىڭ 20,06 پايىز ۇلەسىنە يەلىك ەتەتىن اكتسيونەر. 2025 -جىلدىڭ قورىتىندىسى بويىنشا Kaspi.kz^- ء^تىڭ جيىنتىق تابىسى 4,05 تريلليون تەڭگە، تازا پايداسى 1,07 تريلليون تەڭگە بولعان.

كيمنىڭ اكتيۆتەرى قارجى سەكتورىمەن شەكتەلمەيدى. ول United Group Alatau، «السەكو» جانە Magnum Cash جانە Carry سياقتى كومپانيالارعا قاتىستى اكتيۆتەرگە يە.

2026 -جىلى كاسىپكەر JV Holding Ltd. كومپانياسىن يەلەندى. حولدينگ Jusan Mobile كومپانياسىن باقىلايدى. قىركۇيەكتە بايلانىس وپەراتورى QMobile اتاۋىنا كوشەتىنىن مالىمدەدى.

كيمنىڭ ىقپالىن ارتتىرعان جوبالاردىڭ ءبىرى - الماتى وبلىسىنداعى الاتاۋ قالاسىن دامىتۋ. قىركۇيەكتە ول قالادا ءبىلىم بەرۋ، عىلىمي زەرتتەۋ جانە ۆەنچۋرلىق جوبالارعا ارنالعان AرSA HUB ورتالىعىن قۇرۋ جوسپارىن جاريالادى. جوباعا 100 ملن دوللارلىق ەنداۋمەنت- قور قالىپتاستىرۋ كوزدەلگەن.

2-ورىن - بولات وتەمۇراتوۆ، 68 جاستا.

ونىڭ بيزنەسى بانك، تەلەكوممۋنيكاتسيا، جىلجىمايتىن مۇلىك، ءبىلىم بەرۋ جانە قوناق ءۇي سالالارىن قامتيدى.

كاسىپكەر ForteBank اكتسيالارىنىڭ 91,43 پايىزىنا يەلىك ەتەدى. ونىڭ اكتيۆتەرىنىڭ قاتارىندا Beeline جانە IZI برەندتەرىمەن جۇمىس ىستەيتىن «كار-تەل»، The Ritz-Carlton Astana، Rixos Borovoe جانە The Carlton Moscow قوناقۇيلەرى بار.

وتەمۇراتوۆ Narxoz University گە دە يەلىك ەتەدى. ونىڭ قورى استانا مەن الماتىداعى Haileybury مەكتەپتەرىنىڭ كاپيتالىنا قاتىسادى.

3-ورىن - تيمۋر قۇلىبايەۆ، 60 جاستا.

كاسىپكەر جۇبايى دينارا قۇلىبايەۆامەن بىرگە «المەكس» حولدينگتىك توبى ارقىلى قازاقستان حالىق بانكىنىڭ 61,91 پايىز اكتسياسىن باقىلايدى.

ونىڭ كومپانيالارى مۇناي- گاز، كولىك- لوگيستيكا، مەديتسينا، بولشەك ساۋدا جانە جىلجىمايتىن مۇلىك سالالارىندا جۇمىس ىستەيدى. ق ۇلىبايەۆتىڭ اكتيۆتەرى قاتارىندا QazaqOil جانە Gas Energy جانارماي قۇيۋ جەلىلەرىندەگى، PTC Holding پەن SilkwayTransit كومپانيالارىنداعى ۇلەستەرى بار.

4-ورىن - نۇرلان سماعۇلوۆ، 61 جاستا.

Astana Group كومپانياسىنىڭ نەگىزىن قالاۋشىنىڭ بيزنەسى اۆتوموبيل ساۋداسى، ماشينا جاساۋ، قۇرىلىس، ساۋدا ورتالىقتارى جانە قارجى تەحنولوگيالارى سالالارىن قامتيدى.

Astana Group قۇرامىنا Astana Motors ،MEGA ساۋدا جانە ويىن- ساۋىق ورتالىقتارى جانە Mycar Group كىرەدى.

2025 -جىلى الماتىدا Astana Motors Manufacturing Kazakhstan مۋلتيبرەندتى اۆتوموبيل زاۋىتى ىسكە قوسىلدى.

سماعۇلوۆ مادەنيەت سالاسىنا دا ينۆەستيتسيا سالىپ كەلەدى. 2025 -جىلى الماتىدا ونىڭ باستاماسىمەن ورتالىق ازياداعى العاشقى جەكە زاماناۋي ونەر مۋزەيى - Almaty Museum of Arts اشىلدى.

5-ورىن - شاحمۇرات ءمۋتالىپ، 36 جاستا.

Integra Construction KZ كومپانياسىنىڭ بەنەفيتسيارلىق يەسى تەمىرجول، اۆتوموبيل جولدارى جانە ينفراقۇرىلىم نىساندارىنىڭ قۇرىلىسى مەن جوندەۋ سالاسىندا جۇمىس ىستەيدى.

2026 -جىلى ونىڭ قاتىسۋىمەن ERG اكتسيالارىنىڭ 39,3 پايىزىن ساتىپ الۋ مامىلەسى جاسالدى.

ءمۋتالىپ قازاقستان بوكس فەدەراتسياسىن باسقارادى، سونداي-اق ۇلتتىق وليمپيادا كوميتەتىنىڭ حالىقارالىق ىنتىماقتاستىق جونىندەگى ۆيتسە- پرەزيدەنتى. بيىل ول شىمكەنتتىڭ «ورداباسى» فۋتبول كلۋبىن ساتىپ الدى.

العاشقى وندىقتا تاعى كىمدەر بار؟

تيمۋر تۋرلوۆ، 38 جاستا - Freedom Holding Corp. نەگىزىن قالاۋشى جانە نەگىزگى اكتسيونەرى.

نۇرلان ارتىقبايەۆ، 51 جاستا - Qazaq Stroy جانە Exclusive Qurylys كومپانيالارىنىڭ ءىرى اكتسيونەرى.

اندرەي لاۆرەنتيەۆ، 47 جاستا - Allur توبىنىڭ ءىرى اكتسيونەرى جانە Qarmet كاسىپورنىنىڭ باقىلاۋشىسى.

ايدىن راحىمبايەۆ، 54 جاستا - BI Group ينۆەستيتسيالىق- قۇرىلىس حولدينگىنىڭ اكتسيونەرى.

ۆلاديمير كيم، 65 جاستا - KAZ Minerals كومپانياسىنىڭ اكتسيونەرى.

رەيتينگكە ءتورت جاڭا كاسىپكەر ەندى

بيىل Forbes Kazakhstan رەيتينگىنە ءتورت كاسىپكەر العاش رەت كىردى. ولار - شاحمۇرات ءمۋتالىپ، نۇرلان ارتىقبايەۆ، قۇدرات شاميەۆ جانە الماز السەنوۆ.

قۇدرات شاميەۆ رەيتينگتە 19-ورىنعا جايعاستى. ول «ەۋرازيالىق توپ» كومپانياسىنىڭ باس ديرەكتورى.

الماز السەنوۆ 40-ورىندا تۇر. ول شۆەيتساريادا ورنالاسقان Harvest Group حالىقارالىق كومپانياسىنىڭ نەگىزىن قالاعان. قازاقستاندا كاسىپكەر قۇنى 1,4 ميلليارد دوللار بولاتىن Harvest Agro جوباسىن جۇزەگە اسىرىپ جاتىر. جوبا 300 مىڭ گەكتارعا دەيىن سۋارمالى جەردى قامتۋدى كوزدەيدى.

سونىمەن قاتار السەنوۆ قازاقستاندا Paris Saint-Germain كلۋبىنىڭ ليتسەنزياسى بويىنشا PSG Academy Kazakhstan فۋتبول اكادەمياسىن اشۋدى جوسپارلاپ وتىر. العاشقى ورتالىق استانادا ورنالاسادى.

ەڭ ىقپالدى 50 كاسىپكەردىڭ تولىق ءتىزىمى:

11. شۋحرات يبراگيموۆ - Eurasian Resources Group كومپانياسىنىڭ باس اتقارۋشى ديرەكتورى. تاۋ-كەن ونەركاسىبى مەن قارجى سالاسىنداعى كاسىپكەر.

12. باقىتبەك بايسەيىتوۆ - بانك سەنتركرەديتتىڭ نەگىزگى اكتسيونەرى جانە ديرەكتورلار كەڭەسىنىڭ ءتوراعاسى.

13. دانيار ءابىلعازين - QazaqOil, Sinooil جانە Gas Energy جانارماي قۇيۋ جەلىلەرىندە، سونداي-اق لوگيستيكالىق كومپانيالاردا ۇلەسى بار كاسىپكەر.

14. الەكساندر بەلوۆيچ - Bazis-A قۇرىلىس كورپوراتسياسىنىڭ نەگىزىن قالاۋشى. قازاقستاندا جانە شەتەلدە قۇرىلىس جوبالارىن جۇزەگە اسىرادى

15. ەدۋارد وگاي - Kazakhmys Copper جانە Kazakhmys Coal كومپانيالارىنىڭ اكتسيونەرى. مەتالل جانە كومىر ءوندىرۋ سالاسىندا جۇمىس ىستەيدى.

16. ايدان كارىبجانوۆ - Visor Kazakhstan كومپانياسىنىڭ ءىرى اكتسيونەرى. جەل ەنەرگەتيكاسى مەن ينۆەستيتسيالىق جوبالاردى دامىتادى.

17. ارمانجان بايتاسوۆ - Forbes Kazakhstan جانە باسقا دا اقپارات قۇرالدارى كىرەتىن مەدياكومپانيالاردىڭ تەڭ يەسى. تەلەكوممۋنيكاتسيا مەن جىلجىمايتىن مۇلىك سالاسىندا دا بيزنەسى بار.

18. دىنمۇحامەد ىدىرىسوۆ - "قازاقستاندىق كوممۋنالدىق جۇيەلەر" حولدينگىن باقىلايدى. ەنەرگەتيكا، تاۋ-كەن ونەركاسىبى جانە باسقا دا سالالارعا ينۆەستيتسيا سالادى.

19. قۇدرات شاميەۆ - ERG توبىنىڭ قازاقستانداعى كاسىپورىندارىن باسقاراتىن "ەۋرازيالىق توپ" كومپانياسىنىڭ باس ديرەكتورى.

20. قايرات بورانبايەۆ - الماتىنىڭ "قايرات" فۋتبول كلۋبىنىڭ نەگىزگى يەسى. Esentai Mall، Esentai Tower جانە باسقا دا كاسىپورىنداردا ۇلەسى بار.

21. ولەگ نوۆاچۋك - KAZ Minerals حالىقارالىق تاۋ-كەن كومپانياسىنىڭ ديرەكتورلار كەڭەسىنىڭ ءتوراعاسى.

22. قانات كوپبايەۆ - Kusto Group كومپانياسىنىڭ اكتسيونەرى. قۇرىلىس، قۇرىلىس ماتەريالدارى ءوندىرىسى جانە لوگيستيكا باعىتتارىن دامىتادى.

23. ەركىن تاتىشيەۆ - Kusto Group كومپانياسىنىڭ ءىرى اكتسيونەرى جانە ديرەكتورلار كەڭەسىنىڭ ءتوراعاسى. اۋىل شارۋاشىلىعى، قۇرىلىس، مۇناي- گاز جانە ساۋدا سالاسىندا جۇمىس ىستەيدى.

24. فاررۋح ماحمۋدوۆ - Orbis Kazakhstan كومپانيالار توبىنىڭ نەگىزىن قالاۋشى. اۆتوموبيل ساۋداسى، اۋىل شارۋاشىلىعى، مۇناي سەرۆيستىك قىزمەتى جانە قۇرىلىس سالالارىندا بيزنەسى بار.

25. سەرگەي كان - قازاق مۇناي جانە گاز ينستيتۋتىنىڭ يەسى. ەنەرگەتيكا مەن ونەركاسىپ سالالارىنا ينۆەستيتسيا سالادى.

26. كەڭەس راقىشيەۆ - Fincraft Group حولدينگىنىڭ يەسى. مۇناي-گاز، تاۋ-كەن ءوندىرىسى جانە قارجى سالالارىندا اكتيۆتەرى بار.

27. سەرىكجان سەيىتجانوۆ - "وڭتۇستىك" كومپانيالار توبىنىڭ نەگىزىن قالاۋشى. مۇناي ءوندىرۋ، تسەمەنت ءوندىرىسى، حيميا جانە قوناق ءۇي بيزنەسىمەن اينالىسادى.

28. قايرات ماجىبايەۆ - RG Brands كومپانياسىنىڭ نەگىزگى اكتسيونەرى. ازىق- تۇلىك پەن سۋسىن ءوندىرىسى سالاسىندا جۇمىس ىستەيدى.

29. بەرىك قانيەۆ - Lancaster Group كومپانياسىنىڭ اكتسيونەرى. مۇناي سەرۆيستىك قىزمەتى، ءبىلىم بەرۋ جانە باسقا دا ينۆەستيتسيالىق جوبالارعا قاتىسادى.

30. رايىمبەك باتالوۆ - Raimbek Group حولدينگىنىڭ يەسى. ازىق-تۇلىك، سۋسىن ءوندىرىسى جانە ينۆەستيتسيا سالاسىندا جۇمىس ىستەيدى.

31. ارسەن تومسكي - الەمنىڭ 48 ەلىندە جۇمىس ىستەيتىن inDrive حالىقارالىق تەحنولوگيالىق كومپانياسىنىڭ نەگىزىن قالاۋشى.

32. ەرلىك بالفانبايەۆ - Alina قۇرىلىس ماتەريالدارى كومپانيالار توبىنىڭ نەگىزىن قالاۋشى. الماتى ماڭىنداعى Oi-Qaragai تاۋ كۋرورتىنىڭ يەسى.

33. ەلدار ءابدىرازاقوۆ - Centras Group كومپانياسىنىڭ نەگىزىن قالاۋشى. ساقتاندىرۋ، قارجى جانە مەديتسينا سالاسىندا جۇمىس ىستەيدى.

34. ەدۋارد كيم - Technodom تۇرمىستىق تەحنيكا جانە ەلەكترونيكا دۇكەندەرى جەلىسىنىڭ نەگىزىن قالاۋشى.

35. قايرات ىتەمگەنوۆ - Aqniet Group كومپانياسىنىڭ ءىرى اكتسيونەرى. Europharma جانە ArzanPharm ءدارىحانالار جەلىسىن، سونداي-اق لوگيستيكالىق جوبالاردى دامىتادى.

36. ۆلاديمير دەنيسوۆ - SCAT اۋە كومپانياسىنىڭ نەگىزگى اكتسيونەرى جانە پرەزيدەنتى.

37. مارعۇلان سەيسەمباي - SEIMAR كومپانياسىنىڭ يەسى. ءبىلىم بەرۋ، اۋىل شارۋاشىلىعى جانە ينۆەستيتسيالىق جوبالارعا قاتىسادى.

38. يۆان ساۋەر - "رودينا" اگروفيرماسىنىڭ نەگىزگى يەسى. اۋىل شارۋاشىلىعى جانە استىق ءوندىرىسى سالاسىندا جۇمىس ىستەيدى.

39. الماس سۇلتانعازين - Sulpak جانە Alser تۇرمىستىق تەحنيكا دۇكەندەرى جەلىلەرىنىڭ ءىرى اكتسيونەرى.

40. الماز السەنوۆ - Harvest Group حالىقارالىق اگروكومپانياسىنىڭ نەگىزىن قالاۋشى. قازاقستاندا ءىرى اگروونەركاسىپ كەشەنىن دامىتۋدا.

41. مارات جۇمان - 30 ەلدە جۇمىس ىستەيتىن Atasu Group كولىك- لوگيستيكا حولدينگىنىڭ نەگىزىن قالاۋشى.

42. راۋان كەنجەحان ۇلى - Bilim Group ءبىلىم بەرۋ تەحنولوگيالارى كومپانياسىنىڭ نەگىزىن قالاۋشى. قازاقشا ۆيكيپەديانى دامىتۋعا جانە ۇلتتىق ءتىل جوبالارىنا ۇلەس قوسقان.

43. ايداربەك قوجانازاروۆ - Alto Logistics كومپانياسىنىڭ تەڭ يەسى. تەمىرجول تاسىمالى سالاسىندا جۇمىس ىستەيدى، Respublica پارتياسىنىڭ ءتوراعاسى.

44. مارات سارسەنوۆ - "يستكومترانس" لوگيستيكالىق كومپانياسىن باقىلايدى. تەمىرجول تاسىمالى جانە اۋىل شارۋاشىلىعى سالاسىندا بيزنەسى بار.

45. ەرلان سۇلەيمەنوۆ - "وليمپ" كلينيكالىق-دياگنوستيكالىق زەرتحانالار جەلىسىنىڭ نەگىزىن قالاۋشى جانە باس ديرەكتورى.

46. ايعازى قۇسايىنوۆ - حالىقارالىق ءبىلىم بەرۋ كورپوراتسياسىنىڭ يەسى. ونىڭ قۇرامىنا قازبسقا، قازاق- امەريكا ۋنيۆەرسيتەتى جانە باسقا دا وقۋ ورىندارى كىرەدى.

47. گاۋحار قاپپاروۆا - Lancaster Group كومپانياسىنىڭ اكتسيونەرى. مۇناي سەرۆيستىك قىزمەتى، تاۋ-كەن ونەركاسىبى جانە ساۋدا سالالارىندا اكتيۆتەرى بار.

48. عالىمجان ەسەنوۆ - اۋىل شارۋاشىلىعى، ءبىلىم بەرۋ جانە جىلجىمايتىن مۇلىك سالالارىندا بيزنەسى بار كاسىپكەر. "الماتى مارافونىن" ۇيىمداستىراتىن قوردىڭ نەگىزىن قالاۋشى.

49. ەلدار سارسەنوۆ - نۇربانكتىڭ نەگىزگى اكتسيونەرى جانە ديرەكتورلار كەڭەسىنىڭ ءتوراعاسى.

50. الماس قۇدايبەرگەن - Centrasia Group كومپانياسىنىڭ نەگىزىن قالاۋشى. مۇناي سەرۆيستىك قىزمەتتەرى مەن ونەركاسىپ سالاسىندا جۇمىس ىستەيدى.