قازاقستاننىڭ توعىزىنشى التىنى: ياسمينا توقسانبايەۆا ازيادا چەمپيونى اتاندى
ناگويا. KAZINFORM - قازاقستاندىق سپورتشى ياسمينا توقسانبانۆا جاپونيانىڭ ايچي-ناگويا قالاسىندا ءوتىپ جاتقان ⅩⅩجازعى ازيا ويىندارىنىڭ چەمپيونى اتاندى.
وتانداسىمىز جەڭىل اتلەتيكادان ايەلدەر اراسىندا سپورتتىق جۇرىستەن مارافون قاشىقتىقتى 3 ساعات 22 مينۋت 20 سەكۋندا باعىندىرىپ، مارەگە ءبىرىنشى بولىپ جەتتى.
قىتايلىق سپورتشىلار ۇزدىك ۇشتىكتى تۇيىندەدى.
ايتا كەتەرلىگى، بۇل قازاقستان قۇراماسىنىڭ وسى ازيا ويىندارىنداعى توعىزىنشى التىن جۇلدەسى.
وسىعان دەيىن حابارلاعانىمىزداي، قازاقستان قۇراماسى جەتىنشى جارىس كۇنىندە بەس قولا مەدال جەڭىپ الدى.
سونىمەن قاتار، قازاقستاندىق سپورتشى الفيا تىلەكقابىل پارا دزيۋدودان الەم چەمپيونى اتاندى.
