قازاقستاننىڭ 16 وبلىسىندا اۋا رايىنا بايلانىستى ەسكەرتۋ جاريالاندى

سينوپتيكتەردىڭ بولجامىنشا، قازاقستاننىڭ باسىم بولىگى كەڭ اۋقىمدى انتيتسيكلوننىڭ ىقپالىندا بولادى. ەلدىڭ كوپ وڭىرىندە كۇن جاۋىن-شاشىنسىز بولادى. سولتۇستىك، وڭتۇستىك- شىعىس جانە ورتالىق ايماقتاردا جاڭبىر مەن قار جاۋىپ، كەي جەرلەردە كوكتايعاق بولادى. ءبىرقاتار وڭىردە جەل كۇشەيەدى.

الماتى وبلىسىنىڭ شىعىسى مەن تاۋلى اۋداندارىندا جەلدىڭ ەكپىنى سەكۋندىنا 17- 22 مەترگە جەتەدى. تۇندە وڭىردە اۋا تەمپەراتۋراسى 2-…7- گرادۋسقا دەيىن تومەندەيدى. وبلىستىڭ باتىسى، وڭتۇستىگى مەن شىعىسىندا جوعارى ءورت قاۋپى ساقتالادى. قونايەۆتا تۇندە 2-…4- گرادۋس اياز بولىپ، جوعارى ءورت قاۋپى جالعاسادى. الماتى قالاسىندا دا تۇندە 2-…-4 گرادۋسقا دەيىن ۇسىك جۇرەدى. ىلە الاتاۋىنىڭ تاۋلارىندا، مەدەۋ جانە بوستاندىق اۋداندارىنىڭ تاۋلى ايماقتارىندا جەلدىڭ ەكپىنى سەكۋندىنا 17- 22 مەترگە جەتۋى مۇمكىن. قالادا جوعارى ءورت قاۋپى ساقتالادى.

اباي، شىعىس قازاقستان، جامبىل، جەتىسۋ، باتىس قازاقستان، قاراعاندى، قوستاناي، پاۆلودار، سولتۇستىك قازاقستان جانە ۇلىتاۋ وبلىستارىنىڭ ءبىرقاتار اۋماعىندا تۇمان تۇسەدى. جامبىل وبلىسىنىڭ وڭتۇستىك- باتىسىندا، سولتۇستىك- شىعىسىندا جانە تاۋلى اۋداندارىندا جەلدىڭ ەكپىنى سەكۋندىنا 15- 20 مەترگە، تۇندە 25 مەترگە دەيىن جەتەدى. وڭىردە تۇنگى اياز -3…-8 گرادۋسقا دەيىن كۇشەيىپ، تارازدا 6-…8- گرادۋس بولادى. جەتىسۋ وبلىسىندا الاكول كولدەرى ماڭىندا جەلدىڭ ەكپىنى سەكۋندىنا 23- 28 مەترگە جەتۋى ىقتيمال. تۇندە وبلىستا 2-…7- گرادۋس، ورتالىق بولىگىندە 11- گرادۋسقا دەيىن اياز بولادى. تالدىقورعاندا اۋا تەمپەراتۋراسى 9-…11- گرادۋسقا دەيىن تومەندەيدى.

اتىراۋ، قىزىلوردا جانە تۇركىستان وبلىستارىنىڭ كەي جەرلەرىندە شاڭدى داۋىل سوعادى. اتىراۋ وبلىسىنىڭ باتىسى مەن وڭتۇستىگىندە كۇندىز شاڭدى داۋىل تۇرىپ، باتىسىندا جەلدىڭ ەكپىنى سەكۋندىنا 15- 20 مەترگە جەتەدى. قىزىلوردا وبلىسىنىڭ ورتالىعىندا، وڭتۇستىگى مەن سولتۇستىگىندە جەلدىڭ ەكپىنى سەكۋندىنا 15- 20 مەترگە دەيىن كۇشەيەدى. قىزىلوردا قالاسىندا دا شاڭدى داۋىل سوعىپ، جەلدىڭ ەكپىنى سەكۋندىنا 15 مەترگە جەتەدى. تۇركىستان وبلىسىنىڭ سولتۇستىگىندە شاڭدى داۋىل بولادى. ءوڭىردىڭ باتىسى، سولتۇستىگى، تاۋلى جانە تاۋ بوكتەرىندەگى اۋداندارىندا جەل سەكۋندىنا 15- 20 مەترگە دەيىن كۇشەيەدى. تۇندە وبلىستىڭ سولتۇستىگى مەن باتىسىندا، سونداي اق تۇركىستان قالاسىندا 1-…3- گرادۋس ۇسىك جۇرەدى.

پاۆلودار وبلىسىنىڭ باتىسى مەن وڭتۇستىگىندە جاڭبىر مەن قار جاۋىپ، كوكتايعاق بولادى. سولتۇستىك قازاقستان وبلىسىنىڭ شىعىسىندا تۇندە ازداعان جاڭبىر مەن قار جاۋىپ، كوكتايعاق بولۋى ىقتيمال.

ءبىرقاتار وڭىردە ءورت قاۋپى جوعارى نەمەسە توتەنشە دەڭگەيدە ساقتالادى. اقتوبە وبلىسىنىڭ شىعىسىندا جوعارى، باتىسىندا، وڭتۇستىگى مەن ورتالىعىندا توتەنشە ءورت قاۋپى بار. اتىراۋ وبلىسىنىڭ بۇكىل اۋماعىندا، سونىڭ ىشىندە اتىراۋ قالاسىندا توتەنشە ءورت قاۋپى ساقتالادى. ماڭعىستاۋ وبلىسىنىڭ ورتالىق بولىگىندە، قىزىلوردا وبلىسىندا جانە ۇلىتاۋ وبلىسىنىڭ باتىسى مەن ورتالىعىندا، سونداي-اق جەزقازعاندا توتەنشە ءورت قاۋپى جاريالانعان. جامبىل وبلىسىنىڭ سولتۇستىگى، وڭتۇستىگى مەن شىعىسىندا، جەتىسۋ وبلىسىنىڭ شىعىسىندا دا ءورت قاۋپى جوعارى. تۇركىستان وبلىسىنىڭ سولتۇستىگى، باتىسى، ورتالىعى مەن تاۋ بوكتەرىندەگى اۋداندارىندا جوعارى ءورت قاۋپى ساقتالادى.

شىمكەنتتە جەلدىڭ ەكپىنى سەكۋندىنا 15- 20 مەترگە جەتەدى. تۇندە توپىراق بەتىندە 2- گرادۋسقا دەيىن ۇسىك جۇرەدى. قالادا جوعارى ءورت قاۋپى بار.

وسىعان دەيىن پاۆلوداردا قاراشا ايى كليماتتىق نورمادان 2 گرادۋسقا جىلى بولاتىنى تۋرالى جازدىق.