قازاقستاننىڭ ۇزدىك 5 تۋريستىك اۋىلى بەلگىلى بولدى

الماتى. KAZINFORM - «ۇزدىك تۋريستىك اۋىل - 2025» ۇلتتىق بايقاۋىنىڭ قورىتىندىسى شىقتى.

Лепсі ауылы
فوتو: جەتىسۋ وبلىستىق الاتاۋ گازەتى

Kazakh Tourism مالىمەتىنشە، وبلىس اكىمدىكتەرىنە بايقاۋعا وڭىردەن ءۇش اۋىلدى ۇسىنۋعا مۇمكىندىك بەرىلگەن. قاتىسۋشىلاردى ىرىكتەۋ كەزىندە تابيعي جانە مادەني رەسۋرستارعا، ەلدى مەكەندەردەگى ءداستۇرلى قىزمەت تۇرلەرىنىڭ ساقتالۋىنا ەرەكشە كوڭىل ءبولىندى. بايقاۋ قورىتىندىسى بويىنشا قازاقستاننىڭ ۇزدىك 5 تۋريستىك اۋىلى انىقتالدى.

ولار:

- لەپسى (جەتىسۋ وبلىسى، الاكول اۋدانى)؛
- ناعي ءىلياسوۆ ( قىزىلوردا وبلىسى، سىرداريا اۋدانى)؛
- حان ورداسى (باتىس قازاقستان وبلىسى، بوكەي ورداسى اۋدانى)؛
- پوپەرەچنوە (شىعىس قازاقستان وبلىسى، ريددەر اۋدانى)؛
- شابانباي بي (قاراعاندى وبلىسى، اقتوعاي اۋدانى) .

ۇلتتىق كەزەڭنىڭ جەڭىمپازدارى ب ۇ ۇ دۇنيەجۇزىلىك تۋريستىك ۇيىمى (UNWTO) وتكىزەتىن UN Tourism Best Tourism Village حالىقارالىق بايقاۋىندا قازاقستاندى تانىستىرادى.

ەسكە سالايىق، 2023 -جىلى الماتى وبلىسىنىڭ ساتى اۋىلى حالىقارالىق دەڭگەيدە ەڭ ۇزدىك تۋريستىك اۋىل رەتىندە تانىلىپ، بەدەلدى «Best Tourism Villages by UNWTO» سىيلىعىمەن ماراپاتتالدى.

 

سوڭعى جاڭالىقتار