قازاقستاننىڭ سۇراۋى بويىنشا ارگەنتينادا اندرەي حازبۋلاتوۆ ۇستالدى
استانا. KAZINFORM - قازاقستان ءى ءى م ينتەرپول ۇلتتىق بيۋروسىنىڭ سۇراۋى بويىنشا ارگەنتينا اۋماعىندا اندرەي حازبۋلاتوۆ ۇستالدى. بۇل تۋرالى ق ر ىشكى ىستەر مينيسترلىگىنىڭ باسپا ءسوز قىزمەتى ءمالىم ەتتى.
«اقشانى زاڭسىز يەمدەنگەنى ءۇشىن ىزدەۋدە جۇرگەن كۇدىكتى ارگەنتينادا بولعانى انىقتالدى. سوندىقتان وسى ەلدىڭ اۋماعىندا قازاقستان ءى ءى م ينتەرپول ۇلتتىق بيۋروسىنىڭ سۇراۋى بويىنشا اندرەي حازبۋلاتوۆ ۇستالدى»، - دەلىنگەن ق ر ءى ءى م مالىمەتىندە.
كۇدىكتى ق ر قىلمىستىق كودەكسىنىڭ 189-بابىنىڭ 4-بولىگىندە كوزدەلگەن قىلمىستى جاساعانى ءۇشىن ەلوردانىڭ سىبايلاس جەمقورلىققا قارسى قىزمەتى بىلتىر جازدا حالىقارالىق ىزدەۋگە جاريالاعان بولاتىن.
ول 196 ميلليون تەڭگەدەن استام قاراجاتتى زاڭسىز يەمدەندى دەپ كۇدىككە ءىلىندى.
اندرەي حازبۋلاتوۆ - فيلوسوفيا دوكتورى، قازاقستاننىڭ ەڭبەك سىڭىرگەن قايراتكەرى. قازاقستان رەسپۋبليكاسىنىڭ 2050-جىلعا دەيىنگى مادەني ساياساتى تۇجىرىمداماسى مەن «كينەماتوگرافيا تۋرالى» زاڭى اۆتورلارىنىڭ ءبىرى.
ايتا كەتكەن ءجون، 1993-جىلى ءى ءى م- ءنىڭ قۇرىلىمىندا ينتەرپولدىڭ ۇلتتىق ورتالىق بيۋروسى قۇرىلدى.
