قازاقستاننىڭ قىتايعا تاۋار ەكسپورتى كەمىپ بارادى
قازاقستاننىڭ قىتايعا تاۋار ەكسپورتى وسى جىلدىڭ 7 ايىندا 2,8 پايىزعا كەمىگەن، دەپ حابارلايدى قازاقپارات ءتىلشىسى.

«2023-جىلدىڭ 7 ايىنىڭ قورىتىندىسىندا قىتاي قازاقستان ەكسپورتى بويىنشا (19,9 پايىز) 2-ورىندى (ە ا ە و- عا مۇشە مەملەكەتتەردى ەسەپكە الماعاندا) الادى. قازاقستاننىڭ قىتايعا ەكسپورتى 7,6 ميلليارد ا ق ش دوللارىن قۇرادى. بۇل 2022-جىلدىڭ سايكەس كەزەڭىمەن سالىستىرعاندا 2,8 پايىزعا (7,8 ميلليارد دوللار) از»، - دەپ اتاپ وتەدى ۆەدومستۆو اگەنتتىكتىڭ رەسمي ساۋالىنا بەرگەن جاۋابىندا.
ۆەدومستۆو مالىمەتىنشە، قازاقستان ەكسپورتىنىڭ نەگىزگى بولىگىن، ناقتىراق ايتقاندا 63,4 پايىزىن مينەرالدى ونىمدەر قۇرايدى. دەگەنمەن، بۇل ونمدەردىڭ ەكسپورت كولەمى دە 7 ايدا (4892 ميلليون دوللار) 1,7 قىسقارىپ (2022-جىلدىڭ 7 ايىندا 4975 ميلليون دوللار) وتىر.
«سونىمەن قاتار، مەتالدار مەن ولاردان جاسالعان بۇيىمدار ەكسپورتتالاتىن تاۋارلاردىڭ 27,7 پايىزىن قۇرايدى. وسى تاۋارلار توبىنىڭ ەكسپورت كولەمى دە 26,4 پايىزعا (2023-جىلعى 7 ايدا - 1600,7 ميلليون دوللار، 2022-جىلدىڭ 7 ايىندا - 2175 ميلليون دوللار) تومەندەدى»، - دەپ ناقتىلايدى كوميتەتتەن.