قازاقستاننىڭ قاي وڭىرىندە جەر سىلكىنۋ قاۋپى جوعارى؟

توتەنشە جاعدايلار ءمينيسترى سىرىم ءشارىپحانوۆ قازاقستانداعى سەيسميكالىق قاۋىپتى ايماقتاردى اتادى.

Фото: Тұрар Қазанғапов
Фото: из открытых источников

ت ج م باسشىسىنىڭ ايتۋىنشا، كەز كەلگەن تابيعي جەر سىلكىنىسى تەحنوگەندىك جەر سىلكىنىسىن تۋدىرۋى مۇمكىن . الماتى عانا سەيسميكالىق قاۋىپتى ايماق بولىپ سانالمايدى.

«الماتى عانا ەمەس، باتىس قازاقستاننىڭ بۇكىل اۋماعىندا، اسىرەسە مۇناي-گاز كەن ورىندارىن قارقىندى يگەرۋ جۇرگىزىلىپ جاتقان جەرلەردە بۇل پروبلەما بار. مىسالى، اتىراۋ وبلىسىندا مۇناي ايداۋمەن بايلانىستى. ماڭعىستاۋ وبلىسى 8-9 بالدىق اۋماقتا جاتىر»، - دەدى مينيستر ءماجىلىستىڭ ەكولوگيا جانە تابيعي رەسۋرستاردى باسقارۋ كوميتەتىنىڭ كەڭەيتىلگەن وتىرىسىندا.

ەسكە سالايىق، بۇعان دەيىن ساياساتكەر، ەكولوگ مەلس ەلەۋسىزوۆ الماتىدا 12 بالدىق جەر سىلكىنىسى بولۋى مۇمكىن ەكەنىن ايتقان ەدى.

سوڭعى جاڭالىقتار