قازاقستاننىڭ قاي ستارتاپ جوبالارى الەم ەلدەرىندە تابىسقا جەتتى
استانا. KAZINFORM - وتاندىق IT سالاسى جىل سايىن قارقىن الىپ، دامىپ كەلەدى. بۇعان دەيىن قازاقستاندىق بىرنەشە IT ستارتاپ سيليكون القابىنا جولداما العانىن بەلگىلى.
وسى ورايدا، ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تابىسقا جەتكەن ستارتاپتار جايىندا Kazinform اگەنتتىگىنە ەگجەي- تەگجەيلى مالىمەت بەردى.
«وتانداستارىمىزدىڭ ستارتاپتارى ىشكى جانە سىرتقى نارىقتا جوعارى سۇرانىسقا يە. ماسەلەن، ورتالىق ازيانىڭ بارلىق ەلى ءۇشىن ۇلكەن جەتىستىككە اينالعان Citix قازاقستاندىق تەحنولوگيالىق ستارتاپ بولدى. 2023 -جىلدىڭ جەلتوقسانىندا كومپانيا Baidu, Tesla جانە SpaceX كومپانيالارىنا ينۆەستيتسيا سالعان تيم درەيپەردەن 1 ميلليون دوللاردان استام قارجى تارتتى. Smart City جانە adTech سالالارىندا جۇمىس ىستەيتىن Citix الماتى مەن استانادا 130 سمارتبوردتان تۇراتىن جەلىنى بلوكچەين تەحنولوگياسىمەن باسقارىپ وتىر. 2022 -جىلى كومپانيا تۇرىك نارىعىنا شىقتى، ال 2023 -جىلى تاياۋ شىعىس پەن سولتۇستىك افريكا ايماقتارىمەن ىنتىماقتاستىق تۋرالى مەموراندۋمعا قول قويدى»، - دەلىنگەن مينيسترلىك اقپاراتىندا.
CodiPlay ستارتاپى جاھاندىق اۋديتورياعا باعىتتالعان قازاقستاندىق EdTech جوبالارىنىڭ ءبىرى سانالادى. جاقىندا CodiPlay ب ۇ ۇ باس حاتشىسى قولدايتىن باستاما Digital Public Goods Alliance (DPGA) تاراپىنان تسيفرلىق قوعامدىق يگىلىك رەتىندە تانىلدى. CodiPlay بالالار اراسىندا IT سالاسىنداعى ساۋاتتىلىقتى ارتتىرۋعا ارنالعان كەشەندى شەشىمدى ۇسىنادى. سونىمەن قاتار، 2024 -جىلدىڭ باسىندا ستارتاپ Artificially Intelligent Learning Assistant (AILA) كومپانياسىمەن ستراتەگيالىق سەرىكتەستىك تۋرالى مەموراندۋمعا قول جەتكىزدى. وسى كەلىسىم اياسىندا بالالاردىڭ IT سالاسىنداعى ساۋاتتىلىعىن ارتتىرۋعا ارنالعان قوسىمشا ساۋد ارابياسىنىڭ 200 مەكتەبىندە ەنگىزىلەدى.
Alaqan ستارتاپى الاقان تامىرلارىنىڭ بيومەتريالىق تانىمىن قولداناتىن كونتاكتىسىز تولەم جۇيەسىن ازىرلەدى. 2020 -جىلدان باستاپ جوبا Alaqan Pay, Alaqan Mektep جانە Alaqan HR دەگەن ءۇش ءونىمدى ۇسىندى. بۇگىندە Alaqan-نىڭ 100 مىڭ بەلسەندى پايدالانۋشىسى بار جانە وسى جۇيە ارقىلى ايىنا 1,2 ميلليون سايكەستەندىرۋ جاسالادى. قازىر ونىڭ 300 مىڭ دوللار ينۆەستيتسياسى بار. كرەمنيي القابىندا اكسەلەراتسيادان وتكەن ستارتاپ قازىرگى كەزدە قازاقستانداعى ءبىر مەكتەپتە تابىستى قولدانىلىپ كەلەدى. جوبا ماماندارى ونى ەلدە جانە شەتەلدە ودان ءارى كەڭىنەن تاراتۋدى جوسپارلاپ وتىر. ءقازىر جوباعا وڭتۇستىك- شىعىس ازيا، تاياۋ شىعىس ەلدەرى جانە تۇركيا قىزىعۋشىلىق تانىتتى. بۇل ەلدە جۇيەنى 500 كلينيكاعا ەنگىزۋ جوسپارلانعان.
Grand Mobile - موبيلدى ويىن. جوبا موبيلدى ونلاين ويىن يندۋسترياسىنىڭ كوشباسشىسىنا اينالدى جانە App Store مەن Play Market رەيتينگتەرىندە ءجيى جوعارى ورىندارعا شىعىپ تۇردى. تەك 2024 -جىلدىڭ سوڭعى توقسانىندا ويىن چارتتاردا ءۇش رەت ءبىرىنشى ورىنعا شىعىپ، ويىندى جۇكتەۋ 55 ميلليونعا جەتكەن. اي سايىن ويىندى 5 ميلليوننان استام بىرەگەي پايدالانۋشى وينايدى، ال بەلسەندى اۋديتوريانىڭ ءوسۋى اي سايىن %35 عا ارتىپ كەلەدى. كومپانيا ويىندى بىرنەشە تىلگە اۋدارۋدى جانە 2024 -جىلدىڭ سوڭىنا دەيىن بەلسەندى اۋديتوريانى ەكى ەسەگە ارتتىرۋدى، سونداي- اق بۇكىل الەم بويىنشا ءارتۇرلى ويىن قاۋىمداستىقتارىن قۇرۋ ءۇشىن جاڭا سەرۆەرلەردى ىسكە قوسۋدى جوسپارلاپ وتىر.
CerebraAI ستارتاپى ينسۋلت دياگنوزىن قويۋ ءۇشىن جاساندى ينتەللەكت جانە نەيروراديولوگيا سالاسىنا باعىتتالعان. بىلتىر ستارتاپ ا ق ش- تاعى TechCRunch نۇسقاسى بويىنشا الەمدەگى ەڭ ۇزدىك ستارتاپتاردىڭ ءبىرى رەتىندە تانىلدى جانە Stanford University جانىنداعى StartX كاسىپكەرلەر كلۋبىنا كىردى. CerebraAI 130 مىڭعا جۋىق سكانەرلەۋدى جۇزەگە اسىردى، ال بەلسەندى پايدالانۋشىلار قاتارىنا 700-دەن استام نيەۆرولوگ كىرەدى. ستارتاپ Stanford University نۇسقاسى بويىنشا 2023 -جىلدىڭ ەڭ ۇزدىك Digital Health جوباسى بولىپ تانىلدى، Intel Software ۇيىمداستىرعان AI ستارتاپتار وليمپياداسىندا گران- پري جەڭىپ الدى جانە كوپتەگەن باسقا حالىقارالىق ماراپاتتارعا يە بولدى.
OGames - بۇكىل الەمگە Car Parking Multiplayer جوباسىمەن تانىمال قازاقستاندىق موبيلدى ويىندار ستۋدياسى. ويىن اۆتوسيمۋلياتورلار چارتتارىندا كوش باستاپ كەلەدى جانە Android, iOS جانە Nintendo Switch پلاتفورمالارىندا بۇكىل الەم بويىنشا 100 ميلليوننان استام رەت جۇكتەلگەن. 2016 -جىلى قۇرىلعان كومپانيا نەبارى بىرنەشە جىل ىشىندە ءوز جوباسىنىڭ يننوۆاتسيالىق ءتاسىلى مەن ساپاسى ارقىلى قازاقستان مەن شەتەلدىك اۋديتوريانى، سونىڭ ىشىندە ا ق ش، ازيا، وڭتۇستىك امەريكا جانە ەۋروپانى قىزىقتىرا الدى.
مۇنىمەن قوسا، تسيفرلىق دامۋ مينيسترلىگىنىڭ مالىمەتىنشە، ArlanBiotech - قازىر قولدانىستاعى تەحنولوگيالاردىڭ ىشىندەگى ەڭ جىلدام جانە ارزان AI نەگىزىندەگى نانودەنەلەردى گەنەراتسيالاۋ جانە ءوندىرۋ بويىنشا جاڭاشىل تەحنولوگيا. قازىرگى كەزدە ستارتاپ Google for Startups جانە Astana Hub-تان Silkway Accelerator اكسەلەراتسيالىق باعدارلاماسىن ءساتتى اياقتادى. Arlan Biotech Astana Hub-تان 20000 دوللار كولەمىندە قارجىلاندىرۋ الدى، سونداي- اق pre-seed راۋندىندا ب ا ءا قورىنان 200000 دوللار ينۆەستيتسيا تارتتى. ستارتاپ كوروناۆيرۋسقا قارسى تۇراتىن نانودەنەلەردىڭ رەتتىلىگى تۋرالى ەكى قازاقستاندىق پاتەنتكە جانە انتيگەندىك تەستتەردى ازىرلەۋ پاتەنتىنە يە.
بۇدان بولەك، Higgsfield AI جوباسى - جاساندى ينتەللەكت نەگىزىندەگى بەينە جاساۋ جانە وڭدەۋ پلاتفورماسى. پلاتفورما اناعۇرلىم جەكە ءارى دارالانعان قولدانبالارعا ارنالعان. قازىرگى كەزدە ستارتاپ 8 ميلليون دوللار تارتتى. Pre-seed راۋندىنداعى نەگىزگى ينۆەستور اقش- تىڭ ەڭ كونە ۆەنچۋرلىق قورلارىنىڭ ءبىرى - Menlo Ventures بولدى. Higgsfield AI ءماتىندى بەينەگە اينالدىرۋعا ارنالعان Diffuse موبيلدى قوسىمشاسىن ۇسىنىپ وتىر.
Jet - ول حالىقارالىق ستارتاپ جانە ەلەكتر ساموكاتتارىن مينۋتتىق جالعا بەرۋ قىزمەتىنىڭ ونلاين جانە وفلاين وپەراتسيالارىن بىرىكتىرەدى. ستارتاپ قازاقستان، بەلارۋس، ارمەنيا، گرۋزيا، ازەربايجان، موڭعوليا، وزبەكستان جانە برازيليا نارىقتارىندا بەلسەندى جۇمىس ىستەپ جاتىر. جالپى العاندا، پاركتە 35000 ساموكات بار، ال ساپارلار سانى 27 ميلليونعا جەتتى. 2023 -جىلى Jet AIX- تە 3 ميلليارد تەڭگە كولەمىندە وبليگاتسيالار ورنالاستىردى.
Verigram — computer vision سالاسىنداعى قازاقستاننىڭ العاشقى ستارتاپتارىنىڭ ءبىرى. كومپانيا 2017 -جىلى پايدا بولدى جانە نارىقتا جاساندى ينتەللەكت كومەگىمەن بيومەتريالىق سايكەستەندىرۋ جۇيەسىمەن تانىمال. 2022 -جىلى Verigram سينگاپۋر مەن ۆەتنامدا ءوز كەڭسەلەرىن اشتى.
ApartX - تاۋلىككە جالعا بەرىلەتىن جىلجىمايتىن مۇلىك يەلەرىنە ارنالعان موبيلدى قوسىمشا. قوسىمشا وبەكتىلەردى قاشىقتان جانە قاۋىپسىز باسقارۋعا مۇمكىندىك بەرەدى. قازىر ApartX ۇسىنعان مۇمكىندىكتى 50000 ادام بەلسەندى پايدالانىپ جاتىر، ال ونداعى پاتەر قورى 1500 گە جەتتى. ستارتاپ قازاقستان، رەسەي، وزبەكستان جانە تۇركيا نارىقتارىندا جۇمىس ىستەپ كەلەدى. جوبا AirBnB جانە Booking.com سياقتى الەمگە تانىمال جالعا بەرۋ پلاتفورمالارىنا ينتەگراتسيالانعان.
Parqour - اۆتوكولىكتەردىڭ مەملەكەتتىك نومىرلەرىن تانۋ تەحنولوگياسى بويىنشا تۇراقتاردى اۆتوماتتاندىرۋعا ارنالعان كەشەندى شەشىم. Parqour قازاقستان، اقش، ءباا، شۆەيتساريا، يندونەزيا، وزبەكستان، پولشا، ۇلى بريتانيا، تاجىكستان جانە ازەربايجان نارىقتارىندا بەلسەندى. جوبانى كانادا، ا ق ش جانە ەۋروپانىڭ ۆەنچۋرلىق قورلارى 3 ميلليون دوللار كولەمىندە قارجىلاندىردى.
اۆتور
رۋسلان عابباسوۆ
