قازاقستاننىڭ مۇناي-گاز كومپانيالارى وتكەن تاۋلىكتە قانشا مۇناي ءوندىردى

 قازاقستاننىڭ مۇناي-گاز ونەركاسىبىندەگى كومپانيالار وتكەن تاۋلىكتە 184,6 مىڭ توننا مۇناي جانە گاز كوندەنساتىن ءوندىردى، دەپ دەپ حابارلايدى Kazinform.

قازاقستان رەسپۋبليكاسىنىڭ وتىن- ەنەرگەتيكالىق كەشەنىنىڭ احۋالدىق- تالداۋ ورتالىعى 28-قاراشادا ەلىمىزدىڭ اۋماعىندا وندىرىلگەن مۇناي جانە گاز ءوندىرۋ، «قارا التىن» وڭدەۋ كورسەتكىشىن جاريالادى.

وتكەن تاۋلىكتە كومپانيالار 184,6 مىڭ توننانى مۇناي جانە گاز كوندەنساتىن وندىرگەن. بۇل كۇنى گاز ءوندىرۋ كولەمى 134,6 ميلليون تەكشە مەتردى قۇراعان. ال، مۇناي وڭدەۋ زاۋىتتارىندا تاۋلىگىنە 50,0 مىڭ توننا شيكىزات وڭدەلگەن.

ەسكە سالا كەتەلىك، بۇدان بۇرىن قازاقستانداعى تاعى ءبىر كومپانيا مۇناي ءوندىرۋ كولەمىن ازايتقانىن حابارلاعان بولاتىنبىز.

ENERGY MONITOR تەلەگرام كانالىنىڭ مالىمەتىنە قاراعاندا، كەشە NCOC كومپانياسى مۇناي ءوندىرۋدى 54 مىڭ توننادان 33 مىڭ تونناعا دەيىن تومەندەتكەن.

«تاعى ءبىر ءىرى قازاقستاندىق كومپانيا كاسپي قۇبىر كونسورتسيۋمىنىڭ (ك ق ك) اۋا-رايىنىڭ ناشارلاۋىنا بايلانىستى نوۆوروسسيسك پورتىنا مۇناي جونەلتۋدى توقتاتا تۇرۋىنا بايلانىستى مۇناي ءوندىرۋدى شەكتەدى. كەشە NCOC كومپانياسى مۇناي ءوندىرۋدى %38 عا، 54 مىڭ توننادان 33 مىڭ تونناعا دەيىن تومەندەتتى. ت ش و كومپانياسى 26-قاراشادا ءوندىرىستى %50 عا، 28-قاراشادا تاعى %10 عا ازايتتى»، - دەپ حابارلادى ENERGY MONITOR.

سونداي- اق ەنەرگەتيكا ءمينيسترىنىڭ كەڭەسشىسى ەلىمىزدىڭ ءىرى كەن ورىندارىندا مۇناي ءوندىرۋ كولەمى 56 پايىزعا قىسقارعانىن ايتقان ەدى.

«قازىرگى ساتتە ەلىمىزدىڭ ءىرى كەن ورىندارىندا مۇناي ءوندىرۋ كولەمى 56 پايىزعا تومەندەدى. ەنەرگەتيكا مينيسترلىگىندە قانداي كەزەڭدە جاعدايدىڭ تۇراقتالاتىندىعىنا قاتىستى مالىمەت جوق. تاياۋ كەلەشەكتە مۇناي ءوندىرۋ كولەمىنىڭ تومەندەۋى مەن تۇزەتىلۋى وسى دەڭگەيدە قالادى»،-دەدى ەنەرگەتيكا ءمينيسترىنىڭ كەڭەسشىسى شىڭعىس ءىلياسوۆ.