قازاقستاننىڭ مەملەكەتتىك كۇزەت قىزمەتى استانالىقتارعا ەسكەرتۋ جاسادى
استانا. قازاقپارات - 27-28 قاراشادا ەلوردا كوشەلەرىنىڭ جەكەلەگەن بولىگىندە كولىك قۇرالدارىنىڭ جۇرۋىنە ۋاقىتشا شەكتەۋ قويىلادى، دەپ حابارلايدى قازاقستان رەسپۋبليكاسىنىڭ مەملەكەتتىك كۇزەت قىزمەتى.
شەتەل مەملەكەت باسشىلارىنىڭ قاتىسۋىمەن وتەتىن ۇ ق ش ۇ ۇجىمدىق قاۋىپسىزدىك كەڭەسى وتىرىسىن وتكىزۋ جانە وعان ازىرلىك اياسىندا، 2024 -جىلى 27-28- قاراشادا ەلوردا كوشەلەرىنىڭ جەكەلەگەن بولىگىندە كولىك قۇرالدارىنىڭ جۇرۋىنە ۋاقىتشا شەكتەۋ قويىلادى.
- ازىرلىك شارالارىندا ق ر ارناۋلى مەملەكەتتىك، قۇقىق قورعاۋ جانە قارۋلى كۇشتەر رەسۋرستارىن، ونىڭ ىشىندە اسكەري اۆياتسيا مەن تەحنيكانى پايدالانۋ كوزدەلگەن. سونىمەن قاتار، 27 - قاراشادا استانا قالاسىنىڭ اسپانىندا ق ر ق م مايدان اۆياتسياسىنىڭ ۇشۋى جوسپارلانعان. ەلوردا تۇرعىندارى مەن قوناقتارىنان حالىقارالىق دەڭگەيدەگى ماڭىزدى وقيعا ۋاقىتىندا وتكىزىلەتىن قاۋىپسىزدىكتى قورعاۋ شارالارىنا تۇسىنىستىكپەن قاراۋدى سۇرايمىز، - دەپ ەسكەرتتى ۆەدومستۆو.
بۇعان دەيىن حابارلاعانىمىزداي، مەملەكەتتىك كۇزەت قىزمەتىنىڭ قاتارى جاس ساربازدارمەن تولىقتى.
