قازاقستاننىڭ گۋمانيتارلىق جۇگى تيەلگەن ۇشاق مىسىرعا بارىپ قوندى
قازاقستان پالەستيناعا بولگەن گۋمانيتارلىق جۇك تيەلگەن ۇشاق مىسىرعا بارىپ قوندى، دەپ حابارلايدى Kazinform ءتىلشىسى.
گۋمانيتارلىق جۇك پالەستينا حالقىنا مەملەكەت باسشىسى قاسىم-جومارت توقايەۆتىڭ تاپسىرماسىمەن جىبەرىلدى. جۇك ۇشاعىنا مەملەكەتتىڭ ماتەريالدىق قورىنان ازىق-تۇلىك، كورپە-جاستىق، سونداي-اق «س ك-فارماتسيا» ج ش س-نان ءدارى-دارمەك پەن مەديتسينالىق بۇيىمدار تيەلدى.
كەرەك-جاراق تىزىمىندە 14 ءتۇرلى بۇيىم بار. ولاردىڭ جالپى سالماعى 38 توننا. جۇكتى ق ر ت ج م اسكەري كۇش-قۇرىلىمدارى تيەدى.
گۋمانيتارلىق كومەك «قىزىل جارتى اي» قوعامدىق ۇيىمىنىڭ وكىلدەرىنە تابىستالادى.
ايتا كەتەيىك، كەشە پالەستيناعا گۋمانيتارلىق جۇك تيەلگەن ۇشاق الماتىدان ۇشىپ شىققانىن جازعان ەدىك.
ودان بۇرىن مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس قازاقستان پالەستيناعا قوسىمشا گۋمانيتارلىق كومەك جىبەرەتىنى حابارلانعان ەدى.
اۆتور
ەربول جانات
