قازاقستاننىڭ مادەنيەت قايراتكەرلەرى قىرعىزستاننىڭ مەملەكەتتىك ناگراداسىمەن ماراپاتتالدى
استانا. KAZINFORM - استانادا قىرعىز رەسپۋبليكاسىنىڭ پرەزيدەنتى سادىر جاپاروۆتىڭ رەسمي ساپارى اياسىندا قازاقستاننىڭ مادەنيەت جانە ونەر قايراتكەرلەرىنە قىرعىزستاننىڭ مەملەكەتتىك ناگرادالارىن تاپسىرۋ ءراسىمى ءوتتى.
ءىس-شارا بارىسىندا قىرعىز رەسپۋبليكاسىنىڭ مەملەكەتتىك حاتشىسى سۇيۇنبەك كاسمامبەتوۆ مادەنيەت جانە ونەر وكىلدەرىن مەملەكەتتىك ناگرادالارمەن ماراپاتتاۋدى عاسىرلار بويى قالىپتاسقان دوستىقتىڭ، ورتاق مادەنيەتتىڭ، ىنتىماقتاستىقتى دامىتۋدىڭ بەلگىسى، سونداي-اق مادەني-گۋمانيتارلىق بايلانىستاردى ودان ءارى بەلسەندى دامىتۋعا باعىتتالعان قادام رەتىندە قاراستىرۋ كەرەكتىگىن اتاپ ءوتتى.
قىرعىزستان رەسپۋبليكاسى پرەزيدەنتىنىڭ جارلىعىمەن قىرعىز رەسپۋبليكاسى مەن قازاقستان رەسپۋبليكاسى اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن مىنا ادامدار ماراپاتتالدى:
«داناكەر» وردەنىمەن:
- مۇرات مۇحتار ۇلى اۋەزوۆ - قازاقستان رەسپۋبليكاسىنىڭ قوعام قايراتكەرى، مادەنيەتتانۋشى؛
- مۇحتار شاحانوۆ - اقىن، ديپلومات، قازاقستان رەسپۋبليكاسىنىڭ قىرعىز رەسپۋبليكاسىنداعى بۇرىنعى توتەنشە جانە وكىلەتتى ەلشىسى.
«دوستىق» وردەنىمەن:
- ساۋىتبەك ءابدىراحمان ۇلى ءابدىراحمانوۆ - پۋبليتسيست، ادەبيەتتانۋشى، جۋرناليست، كينو سىنشىسى، قازاقستان رەسپۋبليكاسى پارلامەنتى ءماجىلىسىنىڭ ەكس-دەپۋتاتى؛
- مىرزاتاي جولداسبەكوۆ - قازاقستان رەسپۋبليكاسىنىڭ كورنەكتى مەملەكەت جانە قوعام قايراتكەرى، تۇركىتانۋشى؛
- ەرلان ءابىلفايىز ۇلى ىدىرىسوۆ - مەملەكەت قايراتكەرى، قازاقستان رەسپۋبليكاسىنىڭ بۇرىنعى سىرتقى ىستەر ءمينيسترى؛
- جەڭىس ماحمۇد ۇلى قاسىمبەك - قازاقستان رەسپۋبليكاسى استانا قالاسىنىڭ اكىمى؛
- دارحان قۋاندىق ۇلى ءقىدىرالى - قازاقستان رەسپۋبليكاسى پارلامەنتى سەناتىنىڭ دەپۋتاتى، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى؛
- باۋىرجان جۇماحان ۇلى وماروۆ - قازاقستان رەسپۋبليكاسى پرەزيدەنتىنىڭ كەڭەسشىسى، فيلولوگيا عىلىمدارىنىڭ دوكتورى، پروفەسسور؛
- جانسەيىت قانسەيىت ۇلى تۇيمەبايەۆ - ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما ءتوراعاسى - رەكتورى.
«داڭق» وردەنىمەن:
- اقتوتى راحمەتوللا قىزى رايىمقۇلوۆا - تۇركى مادەنيەتى مەن مۇراسى حالىقارالىق قورىنىڭ پرەزيدەنتى.
«قىرعىز رەسپۋبليكاسىنىڭ حالىق ءارتىسى» قۇرمەتتى اتاعىمەن:
- التىنبەك قورازبايەۆ - كەڭەستىك جانە قازاق كومپوزيتورى، ءانشى؛
- روزا قۋانىش قىزى رىمبايەۆا - كەڭەستىك جانە قازاق ەسترادا ءانشىسى جانە كينو اكتريساسى.
داڭق مەدالىمەن:
- ديدارا كۇلكەنوۆا - قازاقستان رەسپۋبليكاسى «تاڭ- شولپان» ادەبي-كوركەم، بۇقارالىق جۋرنالىنىڭ باس ديرەكتورى - رەداكتورلار كەڭەسىنىڭ ءتورايىمى؛
- نۇرلان جاڭبىرشى ۇلى نۇركەنوۆ - قازاقستان رەسپۋبليكاسى، استانا قالاسى اكىمىنىڭ ءبىرىنشى ورىنباسارى.
قىرعىز رەسپۋبليكاسىنىڭ قۇرمەت گراموتاسىمەن:
- نۇرلىبەك سامات ۇلى سافين - «تاڭ-شولپان» ادەبي-كوركەم، بۇقارالىق جۋرنالىنىڭ باس رەداكتورى، قازاقستان رەسپۋبليكاسى؛
- ەرلان باتتاش ۇلى سىدىقوۆ - ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ باسقارما ءتوراعاسى - رەكتورى.
- ەربول جاقسىگەلدى ۇلى حابىلبەكوۆ - ق. قۋانىشبايەۆ اتىنداعى قازاق مەملەكەتتىك اكادەميالىق مۋزىكالىق- دراما تەاترىنىڭ ديرەكتورى.
