قازاقستاننىڭ جاعاجايلارىندا بەينەباقىلاۋ كامەرالارى ورناتىلۋى مۇمكىن
استانا. KAZINFORM - پرەمەر-مينيستر ولجاس بەكتەنوۆ قازاقستاننىڭ جاعاجايلارىندا بەينەباقىلاۋ كامەرالارىن ورناتۋعا قاتىستى ماسەلەنى پىسىقتاۋدى تاپسىردى، - دەپ حابارلايدى Massaget.kz ءتىلشىسى.

مينيسترلەر كابينەتى باسشىسىنىڭ مالىمەتىنشە، قازىرگى ۋاقىتتا ەلىمىز بويىنشا 708 شومىلۋعا ارنالعان ورىن بار. بۇل رەتتە سۋ ايدىندارىندا قازا تاپقاندار سانى ارتىپ كەلەدى، ونىڭ ىشىندە بالالار دا بار.
«بيىل قازگيدرومەت جازدىڭ ىستىق بولاتىنىن بولجاپ وتىر. اسىرەسە، ەلدىڭ باتىسىندا، شىعىسىندا جانە وڭتۇستىگىندە. تيىسىنشە، وزەندەر مەن كولدەردە دەمالۋشىلار سانىنىڭ ارتۋى كۇتىلەدى. بۇعان دايىن بولۋ كەرەك. جاعاجايلاردا باقىلاۋ كامەرالارى مەن ءتيىستى باعدارلامالىق قامتاماسىز ەتۋدى ورناتۋ ماسەلەسىن پىسىقتاۋ قاجەت»، - دەپ تاپسىردى ولجاس بەكتەنوۆ.
سونداي-اق، ۇكىمەت باسشىسى الماتى مەن پاۆلوداردا پيلوتتىق رەجيمدە سىنالعان ءجۇزۋ جانە باتىپ بارا جاتقانداردى ەرتە انىقتاۋ شەكارالارىن انىقتاۋعا مۇمكىندىك بەرەتىن قاشىقتان مونيتورينگ جۇيەسىن مىسالعا كەلتىردى.
«اقتوبە وبلىسىندا سۋعا باتىپ بارا جاتقان ادامعا ونداعى تۇيمە ارقىلى كومەك تۋرالى سيگنال بەرۋگە مۇمكىندىك بەرەتىن ينتەراكتيۆتى بۋيكا جوباسى ازىرلەندى. وسىعان بايلانىستى وڭىرلەردىڭ اكىمدىكتەرى بۇل تاجىريبەنى زەردەلەپ، ونى پايدالانۋى قاجەت»، - دەپ تۇيىندەدى پرەمەر-مينيستر.