قازاقستاننىڭ جاڭا سپۋتنيكتەرى قاشان ۇشىرىلادى

استانا. KAZINFORM - ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جاۋاپ بەردى.

- قولدانىستاعى سپۋتنيكتىك توپتامانى الماستىرۋ ماقساتىندا بەينەنى اجىراتۋ قابىلەتى ورتاشا ءۇش سپۋتنيكتەن تۇراتىن جاڭا جەردى قاشىقتان زوندتاۋ (ج ق ز) توپتاماسىن، سونداي-اق اجىراتۋ قابىلەتى جوعارى ءۇش عارىشتىق سپۋتنيك پەن ءبىر راديولوكاتسيالىق سپۋتنيكتى قۇرۋ بويىنشا ينۆەستيتسيالىق جوبانى ىسكە اسىرۋ باستالدى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

ءبىرىنشى كەزەڭدە جەردى قاشىقتان زوندتاۋ جۇيەسىن دامىتۋ اياسىندا، ياعني 2027 -جىلى «KazEOSat-MR» اجىراتۋ قابىلەتى ورتاشا ءۇش اپپاراتتى ۇشىرۋ جوسپارلانعان. بۇل رەتتە بىرىكتىرىلگەن سپۋتنيكتىك توپتامانى قۇرۋعا مۇمكىندىك جاسالادى.

- ەكىنشى كەزەڭدە جەردى قاشىقتان زوندتاۋدىڭ «KazEOSat-HR» اجىراتۋ قابىلەتى جوعارى ءۇش سپۋتنيكتتى 2028 -جىلى ۇشىرۋ ەسكەرىلگەن. ال ءۇشىنشى كەزەڭدە «KazSat-3R» بايلانىس سپۋتنيگىن 2029 -جىلى ۇشىرۋ جوسپارلانىپ وتىر، - دەپ اتالىپ وتكەن ۆەدومستۆو اقپاراتىندا.

بۇدان بۇرىن حابارلانعانداي، سپۋتنيكتەردى قازاقستاننان ەكسپورتتاۋعا قاتىستى ەكى ەلمەن كەلىسىم بار.