«قازاقستاننىڭ حالىق جازۋشىسىنا» اي سايىن قانشا اقشا تولەنەدى

 مادەنيەت جانە اقپارات ۆيتسە- ءمينيسترى ارمان جۇدەبايەۆ مەملەكەتتىك مەكەمەلەردە قىزمەت ەتىپ جۇرگەن «قازاقستاننىڭ حالىق جازۋشىسى» اتاعىن العاندارعا ءتيىستى ۇستەمەاقى قاراستىرىلعانىن ايتتى، دەپ حابارلايدى Kazinform ءتىلشىسى. 

Адабиёт
Фото: Фото: primeminister.kz

«قازاقستاننىڭ حالىق جازۋشىسى» اتاعى - ەلىمىزدىڭ ادەبيەتىن دامىتۋعا ەرەكشە ۇلەس قوسقان، بۇرىن «قازاقستاننىڭ ەڭبەك سىڭىرگەن قايراتكەرى» جانە ادەبيەت سالاسىنداعى قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اتانعان تۇلعالارعا بەرىلەدى.

سونداي-اق، ۇلت ادەبيەتىن جاڭا دەڭگەيگە كوتەرگەن، ادەبي شىعارماشىلىق ورتانىڭ ەڭ جوعارعى سىيلىعى بولادى.

سەناتتىڭ جالپى وتىرىسىنان كەيىنگى باسپا ءسوز ءماسليحاتىندا ۆيتسە-مينيستر ارمان جۇدەبايەۆ وسى اتاقتى العان جازۋشىعا قانداي ماتەريالدىق تولەم اۋدارىلاتىنىن ايتتى.

بۇل دارەجە رەسپۋبليكا كۇنى قارساڭىندا بەرىلەتىن بولادى.

«حالىق جازۋشىسى» اتاعى ادەبيەت سالاسىنداعى ەڭ جوعارى اتاق بولماق. ۇكىمەتتىڭ ءتيىستى قاۋلىسى بار. بۇل تۇرعىدا ول كىسىلەر مەملەكەتتىك مەكەمەدە جۇمىس ىستەسە، وندا ءتيىستى ۇستەماقى تولەنەدى. ال جۇمىس ىستەمەسە، تولەم جاسالمايدى. جالپى، بۇل رەتتە ەشقانداي قارجىلىق ەسەپ قاراستىرىلماعان. بۇل كىسىلەر مادەنيەت جانە اقپارات مينيسترلىگىنىڭ ءتيىستى مەملەكەتتىك مەكەمەلەرىندە قىزمەت ەتسە، 17954 تەڭگە سوماسىندا ۇستەماقى الادى»، - دەدى ۆيتسە- مينيستر.

ايتا كەتەيىك، بۇگىن سەنات «قازاقستان حالىق جازۋشىسى» اتاعىن قايتاراتىن زاڭدى ماقۇلدادى.

بيىل ماۋسىم ايىندا ۇلتتىق قۇرىلتايدىڭ نەگىزگى وتىرىسىندا پرەزيدەنت قاسىم-جومارت توقايەۆ «قازاقستاننىڭ حالىق جازۋشىسى» اتاعىن قايتارۋدى تاپسىرعان ەدى.

سوڭعى جاڭالىقتار