قازاقستاننىڭ عىلىمي الەۋەتى قالپىنا كەلدى مە

عىلىم جانە جوعارى ءبىلىم ءمينيسترى ساياسات نۇربەك 90-جىلدارى قازاقستاننىڭ الەۋەتىنە ۇلكەن سوققى بولعانىن ايتتى، دەپ حابارلايدى قازاقپارات ءتىلشىسى.

«90-جىلدارى عىلىمي الەۋەتىمىزگە ۇلكەن سوققى كەلدى. 1990-جىلى بىزدە عىلىمي-زەرتتەۋ ينستيتۋتتارىنىڭ 52000 قىزمەتكەرى مەن عىلىممەن اينالىسقان پروفەسسورلىق-وقىتۋشىلىق قۇرامى رەسمي تۇردە تىركەلگەن. 2000-جىلى نەمەسە 10 جىلدان كەيىن 12 مىڭى قالدى. ناقتى ايتقاندا، 35 مىڭنان استام ادامدى جوعالتتىق»، - دەدى س. نۇربەك سەناتتا تىلشىلەر سۇراعىنا جاۋاپ بەرە وتىرىپ.

بۇل تۇرعىدا مينيستر كەزىندە عىلىممەن اينالىسقان بۇل ادامداردىڭ كەيبىرى شەتەلگە كەتسە، ءبىرازى كاسىپكەرلىككە نەمەسە مەملەكەتتىك قىزمەتكە بارعانىن ايتتى.

«قازىر بىرتىندەپ عىلىمي الەۋەتىمىزدى قالپىنا كەلتىرىپ جاتىرمىز. قازىر ەلىمىزدەگى 22 مىڭ عىلىمي قىزمەتكەر جۇمىس ىستەپ جاتىر. وسى ورايدا عىلىمي دايارلاۋ اياسىندا گرانتتار سانى وسەدى. جاس عالىمداردى قولداۋعا ەرەكشە نازار اۋدارىلىپ وتىر»، - دەدى ۆەدومستۆو باسشىسى.

بۇدان بۇرىن حابارلانعانداي، بۇگىن سەناتتا قازاقستاننىڭ ورنىقتى دامۋ سالاسىنداعى ۇلتتىق ماقساتتار مەن مىندەتتەردى ىسكە اسىرۋ مونيتورينگى جونىندەگى پارلامەنتتىك كوميسسيا وتىرىسى بولدى.

وندا ساياسات نۇربەك «كەلەشەك» باعدارلاماسىن جۇزەگە اسىرۋعا قاتىستى تۇسىنىك بەردى.