قازاقستاننىڭ ارنايى جاساقتارى حالىقارالىق تۋرنيرگە قاتىسىپ جاتىر

استانا. KAZINFORM - قازاقستاننىڭ كۇشتىك قۇرىلىمدارىنىڭ ارنايى بولىنىستەرى دۋبايدا ءوتىپ جاتقان "the UAE SWAT Challenge 2025" VI حالىقارالىق جارىستارىنا قاتىسۋدا، دەپ حابارلايدى Polisia.kz.

تۋرنير 1-5 - اقپان ارالىعىندا وتەدى. جارىستا الەمنىڭ تۇكپىر- تۇكپىرىنەن كەلگەن 100 دەن استام كوماندا باق سىناۋدا.

قاتىسۋشىلار تاكتيكالىق جاتتىعۋلاردى ورىنداپ، كەدەرگىلەردى جەڭىپ، شابۋىلداۋ، جولداستارىن قۇتقارۋ جانە مۇنارالارعا كوتەرىلۋ سياقتى ءبىرقاتار قيىن تاپسىرمالاردى ەڭسەرۋى ءتيىس.

حالىقارالىق ارەنادا ەلىمىزدىڭ نامىسىن ىشكى ىستەر مينيسترلىگىنىڭ، قورعانىس مينيسترلىگىنىڭ، ۇلتتىق قاۋىپسىزدىك كوميتەتىنىڭ جانە مەملەكەتتىك كۇزەت قىزمەتىنىڭ كوماندالارى قورعاۋدا.

پوليسيا ۆەدومستۆوسىنان جارىسقا "سۇڭقار"، "ارلان"، "بۇركىت" جانە جىلدام قيمىلدايتىن ارنايى جاساعىنىڭ كوماندالارى قاتىسىپ جاتىر.

قازاقستان ءۇشىن ج ق ا ج- دان "توميريس" ايەلدەر كومانداسىنىڭ دەبيۋتى ەرەكشە ماڭىزعا يە. بۇل قازاقستاندىق ءتارتىپ ساقشىلارىنىڭ جوعارى دايىندىعىن كورسەتەدى.

ەكى كۇننىڭ قورىتىندىسى بويىنشا تۋرنير كەستەسىندە قىتايدان كەلگەن جاۋىنگەرلەر كوش باستاپ تۇر. ەكىنشى ورىندا ءى ءى م- ءنىڭ "سۇڭقار" كومانداسى، ال ءۇشىنشى ورىندا م ك ق- نىڭ "ساردار" كومانداسى.

- الدا تاعى دا ءبىرقاتار سىناقتار بار. جاۋىنگەرلەرىمىزگە جەڭىس تىلەيمىز! - دەپ اتاپ ءوتتى ءى ءى م.

ەسكە سالايىق، قورعانىس ءمينيسترى سپورتتىق جانە جاۋىنگەرلىك سامبو فەدەراتسياسىن باسقاراتىنىن جازعانبىز.