قازاقستاننىڭ 17 وڭىرىندە اۋا رايىنا بايلانىستى ەسكەرتۋ جاسالدى

استانا. KAZINFORM - «قازگيدرومەت» ر م ك 22-شىلدەگە ارنالعان اۋا رايى بولجامىن جاريالادى.

سينوپتيكتەردىڭ بولجاۋىنشا، بۇگىن ەلىمىزدىڭ كوپتەگەن ايماعىندا اپتاپ ىستىق بولادى. الماتىنىڭ تاۋلى اۋداندارىندا نايزاعاي وينايدى. ۇلىتاۋ وبلىسىنىڭ باتىسىندا جوعارى ءورت قاۋپى ساقتالادى.

الماتى وبلىسىنىڭ تاۋلى، تاۋ بوكتەرىندەگى اۋداندارىندا نايزاعاي وينايدى. وڭتۇستىك-باتىستان جەل سوعادى، وبلىستىڭ وڭتۇستىگىندە، تاۋلى اۋداندارىندا ەكپىنى 17-22 م/س. كۇندىز وبلىستىڭ باسىم بولىگىندە 35-37 گرادۋس قاتتى ىستىق بولادى.

قاراعاندى وبلىسىنىڭ سولتۇستىگىندە، شىعىسىندا نايزاعاي وينايدى. تۇندە جانە تاڭەرتەڭ وبلىستىڭ سولتۇستىگىندە، وڭتۇستىگىندە تۇمان تۇسەدى.

ماڭعىستاۋ وبلىسىنىڭ باتىسىندا، سولتۇستىگىندە نوسەر جاڭبىر جاۋادى. وبلىستىڭ باسىم بولىگىندە نايزاعاي وينايدى. كۇندىز وبلىستىڭ باتىسىندا، سولتۇستىگىندە بۇرشاق، داۋىل بولادى. سولتۇستىك-باتىستان جەل سوعادى، وبلىستىڭ باتىسىندا، سولتۇستىگىندە 15-20 م/س. وبلىس بويىنشا توتەنشە ءورت قاۋپى ساقتالادى.

تۇركىستان وبلىسىنىڭ تاۋلارىندا نايزاعاي، داۋىل بولادى. وڭتۇستىك-باتىستان جەل سوعادى، وبلىستىڭ تاۋ اسۋلارىندا 15-20 م/س. وبلىستىڭ وڭتۇستىگىندە، ءشولدى اۋداندارىندا توتەنشە ءورت قاۋپى ساقتالادى.

باتىس قازاقستان وبلىسىنىڭ باتىسىندا، وڭتۇستىگىندە 35 گرادۋس قاتتى ىستىق بولادى. وبلىستىڭ سولتۇستىك-باتىسىندا، ورتالىعىندا، وڭتۇستىك-شىعىسىندا جوعارى ءورت قاۋپى بار. وبلىستىڭ باتىسىندا، وڭتۇستىگىندە توتەنشە ءورت قاۋپى بار.

اقمولا وبلىسىنىڭ سولتۇستىگىندە، شىعىسىندا نايزاعاي ويناپ، بۇرشاق جاۋادى. وڭتۇستىك-باتىستان، سولتۇستىك-باتىستان جەل سوعادى، كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س.

شىعىس قازاقستان وبلىسىنىڭ سولتۇستىگىندە، كۇندىز وبلىستىڭ سولتۇستىگىندە، شىعىسىندا نوسەر جاڭبىر جاۋادى. تۇندە وبلىستىڭ سولتۇستىگىندە، شىعىسىندا، وڭتۇستىگىندە نايزاعاي وينايدى. وبلىستىڭ سولتۇستىگىندە، شىعىسىندا بۇرشاق، داۋىل بولادى. وڭتۇستىك-شىعىستان سوعاتىن جەل سولتۇستىك-باتىسقا اۋىسادى، كۇندىز وبلىستىڭ سولتۇستىگىندە، شىعىسىندا، وڭتۇستىگىندە 15-20 م/س.

قوستاناي وبلىسىنىڭ سولتۇستىك جارتىسىندا كەي ۋاقىتتاردا نوسەر جاڭبىر جاۋادى. تۇندە وبلىستىڭ باتىسىندا، سولتۇستىگىندە نايزاعاي، كۇندىز وبلىستىڭ سولتۇستىك جارتىسىندا نايزاعاي، بۇرشاق، داۋىل بولادى. سولتۇستىك-شىعىستان سوعاتىن جەل وڭتۇستىك-باتىسقا اۋىسادى، كۇندىز وبلىستىڭ باتىسىندا، سولتۇستىگىندە ەكپىنى 15-20 م/س. وبلىستىڭ وڭتۇستىگىندە توتەنشە ءورت قاۋپى ساقتالادى.

اباي وبلىسىنىڭ سولتۇستىگىندە، ورتالىعىندا نايزاعاي جارقىلدايدى. كۇندىز وبلىستىڭ سولتۇستىگىندە، وڭتۇستىگىندە، ورتالىعىندا نايزاعاي، بۇرشاق، داۋىل بولادى. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇندىز وبلىستىڭ باتىسىندا، سولتۇستىگىندە، ورتالىعىندا 15-20، ەكپىنى 23 م/س. وبلىستىڭ ورتالىعىندا جوعارى ءورت قاۋپى بار.

اتىراۋ وبلىسىنىڭ وڭتۇستىگىندە، شىعىسىندا نايزاعاي وينايدى. كۇندىز 35-39 گرادۋس قاتتى ىستىق بولادى. وبلىستا جوعارى ءورت قاۋپى ساقتالادى. وبلىستىڭ وڭتۇستىگىندە، شىعىسىندا، سولتۇستىك-باتىسىندا توتەنشە ءورت قاۋپى ساقتالادى.

قىزىلوردا وبلىسىنىڭ ورتالىعىندا، وڭتۇستىگىندە توتەنشە ءورت قاۋپى ساقتالادى.

اقتوبە وبلىسىنىڭ سولتۇستىگىندە، شىعىسىندا، وڭتۇستىگىندە نايزاعاي وينايدى. وڭتۇستىك-باتىستان، باتىستان جەل سوعادى، وبلىستىڭ سولتۇستىگىندە، شىعىسىندا، وڭتۇستىگىندە ەكپىنى 15-20 م/س. كۇندىز وبلىستىڭ باتىسىندا، وڭتۇستىگىندە 36 گرادۋس قاتتى ىستىق ساقتالادى.

سولتۇستىك قازاقستان وبلىسىنىڭ سولتۇستىگىندە، شىعىسىندا قاتتى جانبىر بولادى. تۇندە وبلىستىڭ باتىسىندا نايزاعاي، كۇندىز وبلىستىڭ باتىسىندا، سولتۇستىگىندە، وڭتۇستىگىندە نايزاعاي، بۇرشاق، داۋىل بولادى. تۇندە جانە تاڭەرتەڭ وبلىستىڭ باتىسىندا، سولتۇستىگىندە، شىعىسىندا تۇمان تۇسەدى. وڭتۇستىك-شىعىستان جەل سوعادى، وبلىستىڭ باتىسىندا، وڭتۇستىگىندە ەكپىنى 15-20 م/س.

پاۆلودار وبلىسىنىڭ سولتۇستىگىندە، شىعىسىندا نايزاعاي وينايدى. سولتۇستىك-باتىستان جەل سوعادى، وبلىستىڭ سولتۇستىگىندە، شىعىسىندا كۇشى 15-20 م/س. وبلىستىڭ شىعىسىندا جوعارى ءورت قاۋپى ساقتالادى.

جەتىسۋ وبلىسىنىڭ شىعىسىندا، تاۋلى اۋداندارىندا نايزاعاي وينايدى. وڭتۇستىك-باتىستان جەل سوعادى. وبلىستىڭ شىعىسىندا، تاۋلى اۋدانداردا ەكپىنى 15-20 م/س. كۇندىز 35-36 گرادۋس قاتتى ىستىق بولادى.

جامبىل وبلىسىنىڭ تاۋلى اۋداندارىندا نايزاعاي وينايدى. سولتۇستىك-شىعىستان جەل سوعادى، وبلىستىڭ تاۋلى اۋدانداردا 15-20 م/س. 22-شىلدەدە وبلىستىڭ باتىسىندا، وڭتۇستىك-شىعىسىندا جوعارى ءورت قاۋپى ساقتالادى.