قازاقستاننىڭ 11 وبلىسىندا اۋا رايىنا بايلانىستى ەسكەرتۋ جاريالاندى

استانا. KAZINFORM - قازاقستاننىڭ 11 وبلىسىندا 1-قازان كۇنگە اۋا رايىنا بايلانىستى ەسكەرتۋ جاريالاندى. بۇل تۋرالى «قازگيدرومەت» ر م ك حابار تاراتتى.

اباي وبلىسىندا وڭتۇستىك-شىعىستان سوعاتىن جەل سولتۇستىك-شىعىسقا اۋىسادى، وبلىستىڭ وڭتۇستىگىندە 15-20، كۇندىز ەكپىنى 23 م/س جەتەدى. وبلىستىڭ سولتۇستىگىندە، شىعىسى مەن ورتالىعىندا، وڭتۇستىگىندە جوعارى ءورت قاۋپى ساقتالادى.

اقتوبە وبلىسىندا شىعىستان، كۇندىز سولتۇستىك-شىعىستان جەل سوعادى، كۇندىز ورتالىقتا، وبلىستىڭ وڭتۇستىگىندە ەكپىنى 15 م/س جەتەدى. وبلىستىڭ باسىم بولىگىندە: باتىسىندا، وڭتۇستىكتە جانە ورتالىقتا ءورت قاۋپى جوعارى بولادى. اقتوبەدە جوعارى ءورت قاۋپى ساقتالادى.

اتىراۋ وبلىسىنىڭ باسىم بولىگىندە جوعارى ءورت قاۋپى ساقتالادى. اتىراۋدا جوعارى ءورت قاۋپى ساقتالادى.

شىعىس قازاقستان وبلىسىنىڭ سولتۇستىگىندە جوعارى ءورت قاۋپى ساقتالادى، وبلىستىڭ باتىسىندا، وڭتۇستىگىندە، ورتالىعىندا دا جوعارى ءورت قاۋپى ساقتالادى. وسكەمەندە جوعارى ءورت قاۋپى ساقتالادى.

جەتىسۋ وبلىسىندا، الاكول وڭىرىندە وڭتۇستىك- شىعىستان جەل سوعادى، كۇشى 15-20، كۇندىز ەكپىنى 23-28 م/س. 1-6-قازاندا وبلىستىڭ سولتۇستىگىندە، باتىسىندا جانە ورتالىعىندا جوعارى ءورت قاۋپى ساقتالادى. تالدىقورعاندا 1-6-قازاندا جوعارى ءورت قاۋپى ساقتالادى.

1-قازاندا كۇندىز باتىس قازاقستان وبلىسىنىڭ باتىسى مەن وڭتۇستىگىندە وڭتۇستىك-شىعىستان سوققان جەلدىڭ ەكپىنى 15-20 م/س جەتەدى. وبلىستىڭ سولتۇستىگىندە جوعارى ءورت قاۋپى ساقتالادى. ورالدا جوعارى ءورت قاۋپى ساقتالادى.

قاراعاندى وبلىسىنىڭ باسىم بولىگىندە، وبلىستىڭ باتىسىندا جانە شىعىسىندا جوعارى ءورت قاۋپى ساقتالادى.

قىزىلوردا وبلىسىنىڭ باسىم بولىگىندە، وبلىستىڭ سولتۇستىك- باتىسىندا جوعارى ءورت قاۋپى ساقتالادى. قىزىلوردادا دا جوعارى ءورت ءقاۋپى ساقتالادى.

ماڭعىستاۋ وبلىسىنىڭ باسىم بولىگىندە، وبلىستىڭ شىعىسىندا جوعارى ءورت قاۋپى ساقتالادى. اقتاۋدا جوعارى ءورت قاۋپى ساقتالادى.

تۇركىستان وبلىسىندا تۇندە جانە تاڭەرتەڭ وڭتۇستىكتە، تاۋلى جانە تاۋ بوكتەرىندەگى اۋدانداردا نايزاعاي وينايدى، وبلىستىڭ سولتۇستىگىندە شاڭدى داۋىل سوعادى. شىعىستان، تۇندە جانە تاڭەرتەڭ سولتۇستىكتە وڭتۇستىك-شىعىستان سوعاتىن جەل، وبلىستىڭ تاۋلى جانە تاۋ بوكتەرىندەگى اۋداندارىندا 15-20 م/س. ايماقتىڭ باسىم بولىگىندە توتەنشە (5-كلاسس) ءورت قاۋپى ساقتالادى. شىمكەنتتە 1-قازاندا ءتۇننىڭ ءبىرىنشى جارتىسىندا نايزاعاي وينايدى. شىعىستان، وڭتۇستىك-شىعىستان سوققان جەل ەكپىنى 15-20 م/س جەتەدى. توتەنشە (5-كلاسس) ءورت قاۋپى ساقتالادى. تۇركىستان قالاسىندا توتەنشە (5-كلاسس) ءورت قاۋپى ساقتالادى.

ۇلىتاۋ وبلىسىنىڭ باسىم بولىگىندە، وبلىستىڭ شىعىسىندا جوعارى ءورت قاۋپى ساقتالادى. جەزقازعان قالاسىندا جوعارى ءورت قاۋپى ساقتالادى.