قازاقستاننىڭ 10 قالاسىندا قايتالاما تۇرعىن ءۇي باعاسى ارزانداعان

استانا. KAZINFORM - سوڭعى 6 ايدا قازاقستاننىڭ 17 قالاسىنىڭ 10 ىندا قايتالاما تۇرعىن ءۇي ارزاندادى.

بۇل تۋرالى Krisha.kz مونيتورينگ جۇرگىزگەن. ۇسىنىستىڭ ورتاشا باعاسى مىنا قالالاردا تومەندەدى:

قىزىلوردا: -3 پايىز

سەمەي: -1,9 پايىز

شىمكەنت جانە قاراعاندى: -1,7 پايىز

الماتى: -1,3 پايىز

اتىراۋ: -1,2 پايىز

قوستاناي، وسكەمەن، پاۆلودار، تاراز: 1 پايىز شەگىندە.

سونىمەن قاتار، قايتالاما تۇرعىن ءۇي باعاسى التى قالادا، اسىرەسە پەتروپاۆلدا (4,7 پايىز)، اقتاۋدا (3,1 پايىز)، ورال قالاسىندا (1,9 پايىز) قىمباتتاعان. استانادا جىلجىمايتىن مۇلىك باعاسى وزگەرىسسىز قالىپ وتىر.

مامىرمەن سالىستىرعاندا پاتەرلەر 10 قالادا ارزانداعان.

ءبىر جىلداعى وزگەرىستەر

قازاقستان بويىنشا ورتاشا باعالار 0,2 پايىزعا تومەندەدى، 11 قالادا پاتەرلەر ارزاندادى. باعانىڭ ءوسۋى اقتاۋدا (8,1 پايىز)، پەتروپاۆلدا (3,6 پايىز)، الماتىدا (1,9 پايىز)، استانادا (1,4 پايىز)، ورال قالاسىندا (0,5 پايىز) تىركەلدى.

ماۋسىم ايىنىڭ قورىتىندىسى بويىنشا قازاقستاندا 1 شارشى مەتردىڭ ورتاشا باعاسى 370,2 مىڭ تەڭگەنى قۇراعان.