16:57, 11 - ءساۋىر 2024 | GMT +5
قازاقستاننان 7 مىڭنان استام شەتەلدىك شىعارىلدى
استانا. KAZINFORM - ىشكى ىستەر ءمينيسترىنىڭ ورىنباسارى يگور لەپەحا ەلىمىزگە كەلگەن شەتەلدىكتەرگە قاتىستى دەرەكتەردى جاريالادى.
«بىلتىرعى 12 ايدا شەتەل ازاماتتارىنىڭ كەلۋى تۋرالى 1,5 ميلليون حابارلاما كەلىپ تۇسكەن. نەگىزىنەن ولار كورشى ەلدىڭ ازاماتتارى. 584 مىڭ ادامعا ۋاقىتشا تۇرۋعا رۇقسات بەرىلدى، ونىڭ 489 مىڭى جۇمىسقا رۇقسات الدى، 10116 ادام تىركەلدى، 376 ج س ن راسىمدەلدى»، - دەدى ي. لەپەحا سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
سونىمەن قاتار ول كوشى-قون زاڭناماسىن بۇزعانى ءۇشىن 73412 ادام اكىمشىلىك جاۋاپكەرشىلىككە تارتىلعانىن ايتتى. بۇل رەتتە 7739 ى ەلدەن شىعارىلدى.
