قازاقستانمەن دوستىقتى ساقتاۋعا دەگەن ۇمتىلىسىمىز وزگەرمەيدى - شي جينپيڭ

Си Цзиньпин
Фото: Акорда

 استانا. KAZINFORM - قازاقستانمەن دوستىقتى ساقتاۋعا دەگەن ۇمتىلىسىمىز وزگەرمەيدى. بۇل تۋرالى اقوردادا مەملەكەت باسشىسى قاسىم-جومارت توقايەۆپەن كەڭەيتىلگەن قۇرامداعى كەلىسسوز بارىسىندا قىتاي حالىق رەسپۋبليكاسىنىڭ ءتوراعاسى شي جينپيڭ ايتتى.

شي جينپيڭ ءوز سوزىندە بەيجىڭنىڭ قازاقستانعا قاتىستى ساياساتى وزگەرىسسىز قالاتىندىعىن ايتتى.

«حالىقارالىق جاعداي قالاي وزگەرسە دە قازاقستانمەن دوستىقتى ساقتاۋعا دەگەن ۇمتىلىسىمىز جانە كوپقىرلى ىنتىماقتاستىقتى دامىتۋعا دەگەن شەشىمىمىز جانە نەگىزگى ماسەلەلەر بويىنشا ءبىر- ءبىرىمىزدى قولداۋعا دەگەن ۇمتىلىسىمىز وزگەرىسسىز قالاتىنىن تاعى دا اتاپ وتكىم كەلەدى. ۇلتتىق دامۋ مىندەتتەرىن ورىنداۋعا دەگەن سەنىمىمىز دە وزگەرىسسىز قالا بەرەدى»، - دەدى قىتاي باسشىسى.

ايتا كەتەيىك، كەلىسسوزدەر بارىسىندا مەملەكەت باسشىسى قاسىم-جومارت توقايەۆ قازاقستان مەن قىتاي اراسىنداعى بايلانىستار تۇراقتى الەۋمەتتىك، ەكونوميكالىق دامۋعا، حالىقتارىمىزدىڭ ءال- اۋقاتىن جاقسارتۋعا زور سەپتىگىن تيگىزىپ وتىرعانىن باسا ايتقان ەدى.

ەسكە سالا كەتەيىك، كەشە پرەزيدەنت قاسىم-جومارت توقايەۆ قازاقستانعا مەملەكەتتىك ساپارمەن كەلگەن ق ح ر ءتوراعاسى شي جينپيڭدى ەلوردا اۋەجايىندا كۇتىپ العان ەدى.

سوڭعى جاڭالىقتار