قازاقستانمەن دوستىعىمىز بەن باۋىرلاستىعىمىز اۋىر سىناقتان كەيىن كۇشەيە ءتۇستى - يلحام اليەۆ

استانا. KAZINFORM - ازەربايجان رەسپۋبليكاسىنىڭ پرەزيدەنتى يلحام اليەۆ تەلەارناعا سۇحبات بەردى.

سۇحبات بارىسىندا اقتاۋ ماڭىندا بولعان ۇشاق اپاتىنا توقتالىپ، تۇسىنىك بەردى. سونىمەن قاتار قازاق حالقىنا العىس ايتتى.

- بۇل شىنايى دوستىق پەن باۋىرلاستىق. سونىمەن قاتار، پرەزيدەنت قاسىم-جومارت توقايەۆقا كوڭىل ايتتىم، ويتكەنى، اپات سالدارىنان قازاقستاننىڭ التى ازاماتى قازا تاپتى. ول دا ماعان كوڭىل ايتتى. قايعىلى جاعدايدىڭ اۋىرلىعىنا قاراماستان، بۇل سىناق ءساتى بولدى - وسىنداي ساتتە قانداي ەكەنىن كورسەتەدى. قايعىلى جاعدايعا قاراماستان، قازاقستاندا سولاي ويلايتىنىنا كوزىم جەتتى جانە سەنىمدىمىن. ءبىزدىڭ دوستىق پەن باۋىرلاستىق وسى قيىن سىناقتان كەيىن ودان سايىن كۇشەيە ءتۇستى، - دەدى يلحام اليەۆ.

سونداي- اق، يلحام اليەۆ سۇحبات بارىسىندا اقتاۋ ماڭىنداعى AZAL ۇشاعىنىڭ اپاتىنىڭ سەبەبىنە قاتىستى ءبىرقاتار جايتپەن ءبولىستى.

- ارينە، اپاتتىڭ سوڭعى نۇسقاسى قارا جاشىكتەردى اشقاننان كەيىن بەلگىلى بولادى. ءبىراق، باستاپقى نۇسقالار دا جەتكىلىكتى ءارى فاكتىلەرگە نەگىزدەلگەن. ال ازەربايجاننىڭ ازاماتتىق ۇشاعى رەسەي اۋماعىندا، گروزنىي قالاسىنىڭ ماڭىندا زاقىمدانىپ، باسقارۋدى جوعالتتى. سونىمەن قاتار ءبىزدىڭ ۇشاقتى راديوەلەكترونعا قارسى قۇرالدارمەن باسقارىلمايتىن كۇيگە جەتكىزگەنىن بىلەمىز. بۇل ۇشاققا كەلتىرىلگەن العاشقى زالال، - دەپ اتاپ ءوتتى يلحام اليەۆ.
ودان بولەك، ازەربايجان پرەزيدەنتى ءورتتىڭ سالدارىنان ۇشاقتىڭ قۇيرىعى دا قاتتى زارداپ شەككەنىن ايتتى.

ايتا كەتەيىك، مەملەكەت باسشىسى اقتاۋ ماڭىندا اۋە اپاتىنان كەيىن ازەربايجان پرەزيدەنتى يلحام الييەۆكە كوڭىل ايتتى.

سونىمەن قاتار ازەربايجان پرەزيدەنتى يلحام اليەۆتە كوڭىل ايتتى.

ەسكە سالا كەتەيىك، 25 -جەلتوقساندا اقتاۋ ماڭىندا Azerbaijan Airlines ۇشاعى اپاتقا ۇشىرادى.