قازاقستاندىقتاردىڭ تابىسى 430 مىڭ تەڭگەگە وسكەنى راس پا؟

استانا. KAZINFORM - وتكەن جىلدىڭ ءۇشىنشى توقسانىندا قازاقستاندىقتاردىڭ اقشالاي تابىسى جان باسىنا شاققانداعى ورتاشا ەسەپپەن 298,2 مىڭ تەڭگەنى قۇرادى.

بۇل كورسەتكىش وتكەن جىلدىڭ ءۇشىنشى توقسانىمەن سالىستىرعاندا 21,5 پايىزعا ءوستى، - دەپ حابارلايدى finprom.kz.

ەلىمىزدەگى 9 وڭىردە ورتاشا رەسپۋبليكالىق دەڭگەيدەن جوعارى تابىس تىركەلدى. ەڭ جوعارى كورسەتكىش استانادا تىركەلگەن. جان باسىنا شاققانداعى ورتاشا ەسەپپەن 430,3 مىڭ تەڭگە - وتكەن جىلدان 27 پايىزعا ارتىق. ال ەكىنشى ورىندا الماتى قالاسى تۇر. حالىقتىڭ كىرىسى ءبىر جىلدا 34,1 پايىزعا ءوسىپ، ءبىر ادامعا - 392,1 مىڭ تەڭگەنى قۇرادى.

ۇزدىك ۇشتىكتى قاراعاندى ​​وبلىسى اياقتايدى. ءبىر ادامعا 379,7 مىڭ تەڭگە، وتكەن جىلمەن سالىستىرعاندا 14,2 پايىزعا ءوستى.

العاشقى بەستىككە شىعىس قازاقستان (361,4 مىڭ تەڭگە) جانە ۇلىتاۋ (353,3 مىڭ تەڭگە) وبلىستارى ەندى.

حالىقتىڭ ەڭ تومەنگى تابىسى تۇركىستان وبلىسىندا تىركەلدى - 212,5 مىڭ تەڭگە. ودان كەيىنگى ورىندا جامبىل وبلىسى (213,7 مىڭ تەڭگە)، شىمكەنت (221,8 مىڭ تەڭگە)، قىزىلوردا (226,3 مىڭ تەڭگە) جانە جەتىسۋ (227,9 مىڭ تەڭگە) وبلىستارى تۇر.