قازاقستاندىقتاردىڭ جالاقىسىنان قانشا اقشا ۇستالادى؟

استانا. KAZINFORM - كەز كەلگەن ادام جۇمىسقا ورنالاسقان كەزدە ەڭ الدىمەن جالاقى جايلى سۇرايدى. الايدا جالاقى مولشەرىنىڭ ەكى ءتۇرى بار.

شوتىڭىزعا ايتىلعان سوما ءتۇسۋى مۇمكىن. ءبىراق كەيدە كەلىسىلگەن سومادان از تۇسەدى. ونىڭ سەبەبى نەدە؟ جالاقىدان نە ءۇشىن جانە قانشا اقشا ۇستالادى؟

جۇمىس بەرۋشىمەن جالاقى ماسەلەسىن تالقىلاعان كەزدە ايتىلعان سوما «تازا قولعا بەرىلەتىنى مە، الدە ودان جارنالار ۇستالا ما» دەپ، ناقتىلاپ سۇراۋ كەرەك. ەگەر ايتىلعان سومادان جارنالار ۇستالاتىنى ايتىلسا، ونى مىنا جولمەن ەسەپتەيسىز.

ق ر الەۋمەتتىك كودەكسىنىڭ 249-بابىنا سايكەس جالاقىدان %10 مىندەتتى زەينەتاقى جارنالارى (م ز ج) ۇستالادى. بۇل قىزمەتكەردىڭ بولاشاق زەينەتاقىسىن قامتاماسىز ەتۋ ءۇشىن قاجەت. مىسالى، ەگەر كەلىسىمشارتتا جالاقىڭىز 200000 تەڭگە دەپ كورسەتىلگەن بولسا، وسى سومادان م ز ج- عا 20000 تەڭگە ۇستالادى.

بۇل رەتتە مىندەتتى زەينەتاقى جارنالارىن ەسەپتەۋ ءۇشىن قابىلداناتىن جىلدىق ەڭ جوعارى جيىنتىق تابىس رەسپۋبليكالىق بيۋجەت تۋرالى زاڭدا ءتيىستى قارجى جىلىنا بەلگىلەنگەن ەڭ تومەنگى جالاقىنىڭ 50 ەسەلەنگەن مولشەرىنىڭ ون ەكى مولشەرىنەن اسپاۋعا ءتيىس.

سونىمەن بىرگە م ز ج ەسەپتەۋ ءۇشىن قابىلدانعان جىلدىق جيىنتىق تابىستىڭ ەڭ تومەنگى جالاقىسىنىڭ ون ەسەلەنگەن مولشەرىنەن اسپاۋى كەرەك.

اقشا ءبىرىڭعاي جيناقتاۋشى زەينەتاقى قورىنداعى (ب ج ز ق) جەكە زەينەتاقى شوتىندا ساقتالادى.

مىندەتتى مەديتسينالىق ساقتاندىرۋ

ازاماتتىق-قۇقىقتىق سيپاتتاعى شارتى نەگىزىندە قىزمەت كورسەتەتىن جالدامالى جۇمىسكەرلەر م ءا م س- كە اي سايىنعى تابىسىنىڭ 2پايىزى مولشەرىندە جارنا تولەيدى. ياعني 200000 تەڭگەنىڭ %2 ى 4000 تەڭگەنى قۇرايدى. سالىق سالۋ وبەكتىسى بارلىق جۇمىس ورىندارىنان ايىنا 10 ە ت ج (2024-جىلى 850000 تەڭگە) اسپاۋى ءتيىس، ياعني قىزمەتكەردىڭ جالاقىسىنا قاراي، تولەيتىن ەڭ جوعارى جارناسى 17000 تەڭگە بولۋى مۇمكىن.

م ءا مس جارنالارى - دەنساۋلىق ساقتاۋ جۇيەسىن قارجىلاندىرۋ جانە قازاقستاندىقتاردى ءتۇرلى مەديتسينالىق قىزمەتتەرمەن قامتاماسىز ەتۋ ءۇشىن قاجەت. ءبىراق ول جينالمايدى جانە كورسەتىلگەن قىزمەتتەردىڭ كولەمى ولاردىڭ مولشەرىنە بايلانىستى ەمەس.

تابىس سالىعى

ق ر سالىق كودەكسىنىڭ 320-بابىنا سايكەس كەلىسىمشارتتا كورسەتىلگەن جالاقىنىڭ بارلىق سوماسىنان ەمەس، ونىڭ ءبىر بولىگىنەن %10 مولشەرىندە جەكە تابىس سالىعى (ج ت س) ۇستالادى. بۇل سالىق بيۋجەتتى تولىقتىرۋ جانە مەملەكەتتىڭ الەۋمەتتىك ماقساتتارىن قارجىلاندىرۋ ءۇشىن قاجەت.

ج ت س ەسەپتەۋ ءۇشىن جالپى جالاقىدان (200000 تەڭگە) م ز ج (20000 تەڭگە) جانە م ءا م س (4000 تەڭگە) شەگەرۋ قاجەت.

200000 تەڭگە - 20000 تەڭگە - 4000 تەڭگە = 176000 تەڭگە.

بۇدان ءارى 14 ا ە ك (51688 تەڭگە) مولشەرىندە ستاندارتتى سالىق شەگەرىمىن ەسكەرۋ قاجەت.

176000 تەڭگە - 51688 تەڭگە = 124312 تەڭگە.

وسى 124312 تەڭگەگە %10 تابىس سالىعى سالىنادى، ياعني 12431 تەڭگە.

وسىلايشا، 200000 تەڭگە جالاقى الاتىن ادام قولىنا 163569 تەڭگە (200000 - 20000 (م ز ج) - 4000 (م ءا م س) - 12431 (ج ت س) الادى.

Massaget.kz