قازاقستاندىقتاردىڭ بانك الدىنداعى بەرەشەگى 24 تريلليون تەڭگەدەن اسىپ كەتتى
الماتى. KAZINFORM - قازاقستاندىقتاردىڭ نەسيە پورتفەلى جىل ساناپ ارتىپ كەلەدى. 2025 - جىلدىڭ 1- قاڭتارىندا جەكە تۇلعالاردىڭ كرەديتتىك ۇيىمدار الدىنداعى جالپى بەرەشەگى 24,1 تريلليون تەڭگەگە جەتتى.

ءبىرىنشى نەسيە بيۋروسىنىڭ باس ديرەكتورى رۋسلان وماروۆتىڭ ايتۋىنشا، جالپى نەسيەلەردىڭ 90 پايىزدان استامى كەپىلسىز تۇتىنۋشىلىق، يپوتەكا جانە اۆتونەسيەگە تيەسىلى.
كەپىلسىز تۇتىنۋشىلىق نەسيە: قارىز كولەمى 2025 - جىلدىڭ باسىندا 11,7 تريلليون تەڭگەگە جەتتى (ءبىر جىلداعى ءوسىم +22,9 پايىز).
يپوتەكالىق نەسيە: ءبىر جىلدا 14,1 پايىزعا ءوسىپ، 2025 -جىلدىڭ 1 - قاڭتارىنا قاراي 6,7 تريلليون تەڭگە بولدى.
كەلىسىمشارتتار سانى: 9,9 پايىزعا ارتىپ، 627,6 مىڭعا جەتتى.
- قارىز الۋشىلار سانى %10,3 عا ءوسىپ، 600 مىڭ ادامعا جەتتى. جىل باسىنداعى ورتاشا قالعان قارىز 10,6 ميلليون تەڭگە. بۇل وتكەن جىلمەن سالىستىرعاندا %3,8 عا ارتىق، - دەدى رۋسلان وماروۆ.
وسىعان دەيىن ەلدە اۆتونەسيە كولەمى رەكوردتىق دەڭگەيگە جەتكەنى تۋرالى جازعان بولاتىنبىز.