قازاقستاندىقتارعا 2023 -جىلى ەڭ كوپ گرين-كارتا بەرىلدى
استانا. KAZINFORM - وتكەن جىلى 930 قازاقستاندىق ا ق ش ازاماتتىعىن الدى.

ا ق ش- تىڭ ينۆەستيتسيالىق يمميگراتسياسىنىڭ 2023 -جىلعا شولۋىنا سايكەس، ت م د ەلدەرىندە ا ق ش ءتولقۇجاتتارىن الۋشىلاردىڭ سانى 2022 -جىلمەن سالىستىرعاندا ازايعان.
امەريكا ازاماتتىعىن الۋ جاعدايلارىنىڭ ەڭ كوپ تومەندەۋى ۋكراينا ازاماتتارى (%7)، رەسەي فەدەراتسياسى ازاماتتارى (%2,8)، قازاقستان ازاماتتارى (%1,5) اراسىندا بايقالادى.
قازاقستاندىقتار اراسىندا 2023 -جىلى (2022 -جىلمەن سالىستىرعاندا) جاسىل كارتا العاندار سانى ارتتى. قازاقستان ازاماتتارى 2023 -جىلى 2610 گرين كارتا السا، 2022 -جىلى ولارعا نەبارى 1637 گرين كارتا بەرىلگەن.
2023 -جىلى قازاقستان ازاماتتارى سوڭعى 13 جىلمەن سالىستىرعاندا ەڭ كوپ يمميگراتسيالىق ۆيزا الدى. قۇجاتتا اتاپ وتىلگەندەي، ولارعا 1708 يمميگراتسيالىق ۆيزا بەرىلگەن (ءبىر جىل بۇرىن 1115).
وتكەن جىلى سونداي- اق ت م د ەلدەرىنە بەرىلگەن يمميگراتسيالىق ەمەس ۆيزالار سانى دا ارتقان. مۇنداي ۆيزالار ازاماتتارعا تۋريزم، ىسكەرلىك، وقۋ نەمەسە مادەني الماسۋ ماقساتىندا بەرىلەدى. قازاقستان ازاماتتارىنا 2022 -جىلعا قاراعاندا يمميگراتسيالىق ەمەس ۆيزالار 45 پايىزعا كوپ بەرىلدى.
سونداي- اق، الماسۋ باعدارلاماسى اياسىندا (J1) قازاقستاندىقتارعا ستۋدەنتتىك ۆيزالار ءبولىندى، ولاردى 4098 ازامات راسىمدەدى، ال 1562 ادامعا تۇراقتى ستۋدەنتتىك ۆيزا بەرىلدى.
سونىمەن قاتار، 2023 -جىلى قازاقستان ازاماتتارىنا يمميگراتسيالىق ەمەس ۆيزالاردى بەرۋ ستاتيستيكاسى مەملەكەتتىك نەمەسە ۋنيۆەرسيتەت قارجىلاندىراتىن ستۋدەنتتەرمەن الماسۋ باعدارلامالارىنا قاتىسۋشىلارعا بەرىلەتىن كىرۋ رۇقساتتارى سانىنىڭ ارتقانىن كورسەتەدى، ال تۇراقتى F1 ستۋدەنتتىك ۆيزالارىن بەرۋ 2022 -جىلمەن سالىستىرعاندا تومەندەدى.
ا ق ش مەملەكەتتىك دەپارتامەنتىنىڭ مالىمەتىنشە، 2023 -جىلى ءوتىنىش جىبەرگەن قازاقستان ازاماتتارىنىڭ 41,93 پايىزىنا ۆيزا بەرىلگەن جوق.