قازاقستاندىقتار زەينەتاقى قورىنداعى اقشاسىن قايدا جۇمساپ جاتىر؟

استانا. KAZINFORM - زەينەتاقى قورىنداعى جيناعىنىڭ ءبىر بولىگىن العان قازاقستاندىقتار ونى قانداي ماقساتتا قولدانىپ جاتىر؟ ب ج ز ق ستاتيستيكا ۇسىندى.

БЖЗҚ салымшыларының дербес деректері ұрланғаны туралы ақпаратты жоққа шығарды
Фото: Kazinform

كوپشىلىك زەينەتاقى قورىنداعى اقشاسىن قانداي ماقساتتا الادى؟

«ءبىرىڭعاي جيناقتاۋشى زەينەتاقى قورى» اكسيونەرلىك قوعامى Massaget.kz سۇراۋىنا زەينەتاقى قورىنداعى جيناعىن العان قازاقستاندىقتاردىڭ ستاتيستيكاسىن ۇسىندى.

تۇرعىن ءۇي جاعدايلارىن جاقسارتۋعا بارلىعى 151278 ادامنان 431348 ءوتىنىش ءتۇسىپ، شامامەن 396,7 ميلليارد تەڭگە ب ز ت تولەندى. سونىڭ ىشىندە:

32,12 پايىز - تۇرعىن ءۇي قۇرىلىس جيناق اقشاسىنا ودان ءارى جيناقتاۋ ءۇشىن سالىمدى تولىقتىرۋ؛

29 پايىز - تۇرعىن ءۇي قۇرىلىس جيناقتارى جۇيەسى بويىنشا يپوتەكالىق قارىز بويىنشا بەرەشەكتى ءىشىنارا وتەۋ؛

24,2 پايىز - يپوتەكالىق تۇرعىن ءۇي قارىزى بويىنشا بەرەشەكتى ءىشىنارا وتەۋ؛

10,26 پايىز - ازاماتتىق-قۇقىقتىق مامىلەلەر بويىنشا مەنشىككە تۇرعىن ءۇي ساتىپ الۋ (تۇپكىلىكتى ەسەپ ايىرىسۋ) جانە ت. ب. ماقساتتارعا جۇمسالعان.

ال ەمدەلۋ اقىسىن تولەۋ ءۇشىن 109665 ادامنىڭ جالپى سوماسى شامامەن 173,9 ميلليارد تەڭگەگە 161385 ءوتىنىشى ورىندالدى. سونىڭ ىشىندە:

98,63 پايىز ستوماتولوگيالىق قىزمەت الۋ ءۇشىن؛

1,19 پايىز وفتالمولوگيالىق قىزمەتتەردى الۋ؛

0,18 پايىز باسقا مەديتسينالىق باعىتتارعا پايدالانىلدى.

ينۆەستيتسيالىق پورتفەلدى باسقارۋشىلارعا (ي پ ب) اعىمداعى جىلدىڭ 1-قاڭتارىنداعى جاعداي بويىنشا 18.02.2021 ج. باستاپ 62,25 ميلليارد تەڭگە اۋدارىلدى. ب ج ز ق 33079 ءوتىنىش بەرۋشىدەن تۇسكەن 46608 ءوتىنىشتى ورىندادى. اۋدارىمنىڭ ورتاشا سوماسى شامامەن 1,34 ميلليون تەڭگە.

بۇل ستاتيستيكادان كوپشىلىك قازاقستاندىق زەينەتاقى قورىنداعى جيناعىن باسپانا الۋ ءۇشىن اشقان دەپوزيتىنە جانە ءتىس ەمدەتۋگە پايدالانعانىن كورەمىز.

2024-جىلى تۇرعىن ءۇي جاعدايلارىن جاقسارتۋ جانە ەمدەلۋگە اقى تولەۋ ماقساتىندا ورىندالعان ءوتىنىش يەلەرىنىڭ ەڭ كوپ سانى الماتى قالاسىنىڭ – 47226، استانا قالاسىنىڭ – 42422، ماڭعىستاۋ وبلىسىنىڭ 27804 تۇرعىندارى بولدى.

قازاقستاندىقتار زەينەتاقى قورىنداعى اقشاسىن قالاي الا الادى؟

ءبىرجولعى زەينەتاقى تولەمى (ب ز ت) - 2023 ھ-جىلدىڭ 1-شىلدەسىنەن باستاپ كۇشىنە ەنگەن قازاقستان رەسپۋبليكاسىنىڭ الەۋمەتتىك كودەكسىندە بەلگىلەنگەن تارتىپپەن تۇرعىن ءۇي جاعدايلارىن جاقسارتۋ جانە (نەمەسە) ەمدەلۋ اقىسىن تولەۋ ماقساتىندا ب ج ز ق- داعى مىندەتتى زەينەتاقى جارنالارى (م ز ج) ەسەبىنەن قالىپتاستىرىلعان زەينەتاقى جيناقتارى سوماسى ەسەبىنەن م ز ج سالىمشىسى (زەينەتاقى تولەمدەرىن الۋشى) الا الاتىن قاراجات.

زەينەتاقى جيناقتارىنىڭ ءبىر بولىگىن مىنا ادامدار الا الادى:

بەلگىلى ءبىر جەتكىلىكتىلىك شەگىنەن اساتىن جيناقتارى بار سالىمشىلار؛

زەينەتاقى تولەمىن الىپ جۇرگەن زەينەتكەرلەر – ب ج ز ق- داعى زەينەتاقى جيناقتارىنىڭ قالعان سوماسىنىڭ 50 پايىز اسپايتىن شەكتە، تەك ول ءۇشىن ولاردىڭ زەينەتاقىسىنىڭ جيىنتىق مولشەرى (جاسىنا نەمەسە ەڭبەك سىڭىرگەن جىلدارىنا بايلانىستى زەينەتاقىنى، بازالىق زەينەتاقىنى قوسا العاندا) جوعالتقان تابىسىن حالىقارالىق ستاندارتتارعا سايكەس كەلەتىن دەڭگەيدە (كەمىندە 40 پايىز) الماستىرۋدى قامتاماسىز ەتسە؛

ساقتاندىرۋ كومپانيالارىمەن ومىرلىك اننۋيتەتتىك تولەمدەردى قامتاماسىز ەتەتىن زەينەتاقى اننۋيتەتى شارتتارىن جاساسقان تۇلعالار؛

ەڭبەك سىڭىرگەن جىلدارى بويىنشا زەينەتكەرلەر - ولارعا م ز ج ەسەبىنەن قالىپتاستىرىلعان وزدەرىنىڭ زەينەتاقى جيناقتارىنىڭ بارلىق سوماسىن پايدالانۋعا قۇقىق بەرىلدى.

ەگەر ءسىز وسى ساناتتاعى ازاماتتاردىڭ بىرىنە جاتساڭىز، زەينەتاقى جيناقتارىن شەكسىز رەت پايدالانا الاسىز.

«ەسكەرتە كەتەتىن ماڭىزدى جايت، ءاربىر سالىمشى زەينەتاقى جيناقتارى جەتكىلىكتى بولعان جاعدايدا تۇرعىن ءۇي ساتىپ الۋ نەمەسە ەمدەلۋ ءۇشىن زەينەتاقى جيناعىنىڭ جەتكىلىكتى شەكتەن اساتىن بولشەگىن پايدالانا الادى. الايدا بولاشاقتا ول زەينەتاقى جيناقتارىن پايدالانباعان سالىمشىلارعا قاراعاندا از زەينەتاقى الاتىندىعىن ەستە ۇستاعان ءجون. ويتكەنى زەينەتاقى شوتىندا قالاتىن ەڭ تومەنگى جەتكىلىكتىلىك شەگى سالىمشىنى زەينەتاقى تولەمدەرىمەن ەڭ تومەنگى زەينەتاقىدان تومەن بولمايتىن مولشەردە عانا قامتاماسىز ەتۋگە مۇمكىندىك بەرەدى»، - دەيدى ب ج ز ق- دا.

ب ج ز ق- داعى زەينەتاقى جيناقتارىڭىز «جەتكىلىكتى شەكتەن» اسىپ تۇرسا، ونى الۋ ءۇشىن ۋاكىلەتتى وپەراتورعا جۇگىنۋ قاجەت.

ب ز ت الۋعا ءوتىنىش قابىلدايتىن ۋاكىلەتتى وپەراتورلارعا مىنالار جاتادى:

وتباسى بانك تۇرعىن ءۇي قۇرىلىس جيناق بانكى ا ق؛

«قازاقستان حالىق بانكى» ا ق؛

Altyn Bank ا ق؛

«بانك تسەنتركرەديت» ا ق؛

«فريدوم بانك قازاقستان» ا ق.

ۋاكىلەتتى وپەراتور ءبىرجولعى زەينەتاقى تولەمىن الۋعا بەرىلگەن ءوتىنىشتى قاراعاننان كەيىن 2 جۇمىس كۇنى ىشىندە ب ج ز ق- عا ەلەكتروندىق حابارلاما جىبەرەدى. ب ج ز ق ۋاكىلەتتى وپەراتوردان ەلەكتروندىق حابارلاما كەلىپ تۇسكەن كۇننەن باستاپ 5 جۇمىس كۇنى ىشىندە، ب ز ت- دان باس تارتۋ ءۇشىن نەگىزدەر بولماعان كەزدە، ۋاكىلەتتى وپەراتوردا اشىلعان ارنايى شوتىنا الۋشىنىڭ ب ز ت سوماسىن اۋدارادى.

2025-جىلى ەڭ تومەنگى جەتكىلىكتى شەگى قانداي؟

ەسكە سالايىق، 2025-جىلى ەڭ تومەنگى جەتكىلىكتى شەگى وزگەرىسسىز قالدى. ەگەر زەينەتاقى قورىنداعى جيناعىڭىز جاسىڭىزعا ساي مينيمالدى جەتكىلىكتى شەگىنەن اسىپ تۇرسا، سودان اسقان سومانى الا الاسىز.

مىسالى، ءسىزدىڭ جاسىڭىز 25 تە، ءسىز ءۇشىن مينيمالدى جەتكىلىكتى شەگى - 3890000 تەڭگە. ال سىزدە زەينەتاقى قورىندا 4200000 تەڭگە جينالعان بولسا، 310000 مىڭ تەڭگەنى ءتىس ەمدەتۋگە، ءتۇرعىن ءۇي جاعدايلارىن جاقسارتۋعا نەمەسە باسقا دا سەبەپكە پايدالانۋعا الا الاسىز.

سوڭعى جاڭالىقتار