قازاقستاندىقتار ۇيلەنۋگە اسىقپايدى: اسىرەسە تۇركىستان وبلىسىندا نەكە سانى ايتارلىقتاي ازايدى

استانا. KAZINFORM - بىلتىر ەلىمىزدە نەكە مەن اجىراسۋ سانى ازايدى. ۇلتتىق ستاتبيۋرو وسىنداي مالىمەت تاراتتى.

2023-جىلدىڭ 12 ايىندا 120 مىڭ نەكە تىركەلدى.

2022-جىلمەن سالىستىرعاندا نەكە سانى 5,9 پايىز تومەندەدى.

نەكە كوەففيتسيەنتى 1000 ادامعا 6,07 قۇرادى.

سونداي-اق وسى كەزەڭدە 16,7 مىڭ اجىراسۋ تىركەلدى (سوتتىڭ نەكەنى بۇزۋ تۋرالى شەشىمىن ەسەپكە الماعانداعى احات ورگاندارىنىڭ دەرەكتەرى بويىنشا).

بۇل دا 2022-جىلعى دەڭگەيدەن 5,3 پايىز از.

اجىراسۋ كوەففيتسيەنتى 1000 ادامعا 0,84 قۇرادى.

ءبىرىنشى كرەديت بيۋروسىنىڭ مالىمەتىنشە، 120 مىڭ نەكە - سوڭعى 19 جىلداعى ەڭ تومەن كورسەتكىش.

قۇلدىراۋ ۇلىتاۋدان وزگە بۇكىل وبلىستا تىركەلگەن.

حالىق تىعىز قونىستانعان تۇركىستان وبلىسىندا جاڭا نەكەنىڭ سانى 1,5 مىڭعا ازايعان.

بۇل جالپى كورسەتكىشكە ايتارلىقتاي اسەر ەتتى. بۇكىل قۇلدىراۋدان 20 پايىز وسى وڭىرگە تيەسىلى.