قازاقستاندىقتار وڭتۇستىك كورەيادا زاڭدى تۇردە جۇمىس ىستەي الۋى مۇمكىن
قازاقستاندىقتار وڭتۇستىك كورەيادا زاڭدى تۇردە جۇمىس ىستەي الۋى مۇمكىن.
ەڭبەك جانە حالىقتى الەۋمەتتىك قورعاۋ مينيسترلىگى مەن كورەيا رەسپۋبليكاسى ەڭبەك جانە جۇمىسپەن قامتۋ مينيسترلىگىنىڭ وكىلدەرى ونلاين-فورماتتا كەلىسسوزدەر جۇرگىزىپ، ونىڭ بارىسىندا قازاقستاندى وڭتۇستىك كورەيانىڭ Employment permit System جۇيەسىنە قوسۋ ماسەلەسىن تالقىلادى.
«بۇل قازاقستاندىقتارعا وڭتۇستىك كورەيادا زاڭدى تۇردە جۇمىسقا ورنالاسۋعا، سونداي-اق، ولارعا تەڭ ەڭبەك جاعدايىن ورناتۋعا جانە قۇقىقتارىن قورعاۋعا مۇمكىندىك بەرەدى»، - دەپ اتاپ ءوتتى ەڭبەك مينيسترلىگى وكىلدەرى.
كەزدەسۋدە ەڭبەك مينيسترلىگىنىڭ كوشى-قون كوميتەتىنىڭ ءتوراعاسى اسقاربەك ەرسايەۆ قازاقستاندا Employment permit System جۇيەسى شەڭبەرىندە كورەي دايارلاۋ ورتالىعىن اشۋ بويىنشا دايىندىق جۇرگىزىلىپ جاتقانىن ايتتى.
ايتا كەتەيىك، وڭتۇستىك كورەياداعى تابىس قازاقستاندىقتار ءۇشىن بىرنەشە جىل بويى تارتىمدى بولىپ كەلەدى. 2023-جىلعى اقپاندا سىرتقى ىستەر مينيسترلىگى بۇل ەلدە 7-8 مىڭعا جۋىق وتانداسىمىزدىڭ زاڭسىز جۇمىس ىستەپ جۇرگەنىن حابارلادى.
