قازاقستاندىقتار Tesla اكسيالارىن جيى ساتىپ الا باستادى

استانا. KAZINFORM وتكەن جىلى قازاقستاندىقتار Tesla كومپانياسىنىڭ اكسيالارىن ءجيى ساتىپ الا باستادى. بۇل تۋرالى KASE قازاقستان قور بيرجاسىنىڭ باسشىسى الينا الدامبەرگەن باياندادى.

2023-جىلى جەلتوقسان ايىنىڭ سوڭىندا KASE Global شەتەلدىك قاعازدار سەكتورىندا 45 اتاۋ جانە 11 شەتەلدىك ەميتەنتتىڭ ETF اكسيالارى بولعان.

وتكەن جىلدىڭ قورىتىندىسى بويىنشا KASE Global سەكتورىندا ساۋدا كولەمى 36,5 ميلليارد تەڭگەگە جەتكەن جانە 2022-جىلمەن سالىستىرعاندا %41,7 عا نەمەسە 10,8 ميلليارد تەڭگەگە ۇلعايعان. ساۋدا-ساتتىقتىڭ ورتاشا تاۋلىكتىك كولەمى 148,6 ميلليون تەڭگەنى، مامىلەلەردىڭ ورتاشا تاۋلىكتىك سانى - 246 بولسا، ءبىر مامىلەنىڭ ورتاشا كولەمى - 603,3 مىڭ تەڭگەنى قۇراعان.

قازاقستان قور بيرجاسىنىڭ مالىمەتىنشە، 2023-جىلى KASE Global سەكتورىنداعى ەڭ كوپ مامىلەلەر مىناداي اكسيالارمەن جاسالعان:

- Tesla (TSLA_KZ) - جالپى سوماسى 1610,4 ميلليون تەڭگەگە 6714 مامىلە؛

- Ford Motor Company (F_KZ) - 220,7 ميلليون تەڭگەگە 6017 مامىلە؛

- Intel Corporation (INTC_KZ) - 1108,9 ميلليون تەڭگەگە 5135 مامىلە.

الينا الدامبەرگەننىڭ ايتۋىنشا، ينۆەستورلاردىڭ نەگىزگى ساناتتارى اراسىندا بروكەرلىك-ديلەرلىك ۇيىمدار ۇلەسى - %36، باسقا ينستيتۋتسيونالدىق ينۆەستورلار ۇلەسى - %0,1 دان از، باسقا زاڭدى تۇلعالار ۇلەسى - %26,2، جەكە تۇلعالار ۇلەسى - %37,8، رەزيدەنت ەمەستەردىڭ ۇلەسى - %0,6 قۇرادى.

بۇعان دەيىن الينا الدامبەرگەن بيرجا نارىعىنىڭ 2023-جىلعى جۇمىسىن قورىتىندىلادى.