20:28, 18 - ءساۋىر 2024 | GMT +5
قازاقستاندىقتار تايلاندقا ۆيزاسىز كىرە الادى
استانا. KAZINFORM — ەندى قازاقستاندىقتار تايلاندقا 30 كۇنگە ۆيزاسىز كىرە الادى. بۇل تۋرالى Bangkok Post سايتى جازدى.
قازاقستاندىقتاردىڭ 30 كۇن بويى تايلاندتا ۆيزاسىز ءجۇرۋىن تايلاند بيلىگى ماقۇلدادى. مۇنداي رەجيم ءبىر جىلعا قولجەتىمدى.
تايلاندتىڭ (تات) تۋريستىك باسقارماسىنىڭ مالىمەتىنشە، بىلتىر 172 مىڭ قازاقستاندىق تۋريست ەكزوتيكالىق ەلگە ساياحاتتاعان. تايلاند بيلىگى بيىل 220 مىڭ تۋريست كەلەدى دەپ بولجاپ وتىر.
