قازاقستاندىقتار سەيشەل ارالدارىنا 30 كۇنگە ۆيزاسىز بارا الادى

сейшел
Фото: Pixabay

سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان مەن سەيشەل رەسپۋبليكاسىنىڭ اراسىندا 30 كۇندىك ۆيزاسىز رەجيم كۇشىنە ەنگەنىن ءمالىم ەتتى، دەپ حابارلايدى Kazinform.

«2023-جىلعى 22- قىركۇيەكتە نيۋ-يورك قالاسىندا قول قويىلعان ق ر ۇكىمەتى مەن سەيشەل رەسپۋبليكاسىنىڭ ۇكىمەتى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىم 2024-جىلعى 6- قاڭتاردان باستاپ كۇشىنە ەندى. كەلىسىمنىڭ ءبىرىنشى بابى بويىنشا، ەكى ەلدىڭ ازاماتتارى ەكىنشى ۋاعدالاسۋشى تاراپ مەملەكەتىنىڭ اۋماعىنا ءبىر نەمەسە بىرنەشە رەت كەلۋ، كەتۋ، ترانزيت، ۋاقىتشا ءجۇرىپ-تۇرۋ ءۇشىن ۆيزالىق تالاپتاردان بوساتىلادى. وسى رەتتە ازاماتتاردىڭ شەكارادان وتكەن كەزدەن باستاپ ەكى مەملەكەت اۋماعىندا بولۋ مەرزىمى كۇنتىزبەلىك 30 كۇننەن اسپايتىن مەرزىمدەگى كەزەڭدە، ال كۇنتىزبەلىك 180 كۇن ىشىندە جيىنتىعىندا كۇنتىزبەلىك 90 كۇننەن اسپاۋى كەرەك»، - دەدى س ءى م رەسمي وكىلى.

ونىڭ ايتۋىنشا، قازاقستاندىقتار اتالعان اۋماققا ساپار جاساماي تۇرىپ، ول جاقتا نەشە كۇن بولاتىنىن ناقتى جوسپارلاپ الۋى كەرەك.

«ەگەر قازاقستان ازاماتتارى سەيشەل ارالدارىندا 30 كۇننەن استام ۋاقىتقا قالعىسى كەلسە، ءتيىستى ساناتتاعى سەيشەل ۆيزاسىن الدىن الا رەسىمدەۋى كەرەك»، - دەدى ايبەك سمادياروۆ.

سوڭعى جاڭالىقتار