قازاقستاندىقتار ناۋرىزداعى مەرەكە كۇندەىنە قالاي دەمالادى؟

استانا. قازاقپارات – 2025-جىلى حالىقارالىق ايەلدەر كۇنى سەنبىگە سايكەس كەلەدى، ياعني قازاقستاندىقتار قوسىمشا دەمالىس كۇن الادى. ەرەجەلەرگە سايكەس دەمالىس كۇنى دۇيسەنبىگە، 10-ناۋرىزعا اۋىستىرىلادى.

ناۋرىزدا قازاقستاندىقتار قانشا كۇن دەمالادى؟

ناۋرىزدا ەكى مەملەكەتتىك مەرەكە اتاپ وتىلەدى:

حالىقارالىق ايەلدەر كۇنى (8 ناۋرىز)؛

ناۋرىز مەيرامى (21-23 ناۋرىز).

2025-جىلعى ناۋرىزدا بەس كۇن جۇمىس ىستەيتىن قازاقستاندىقتار 14 كۇن، ال التى كۇن جۇمىس ىستەيتىن قازاقستاندىقتار 10 كۇن دەمالادى.

قازاقستاندىقتار 8-ناۋرىزدا قالاي دەمالادى؟

حالىقارالىق ايەلدەر كۇنى (8-ناۋرىز) سەنبىگە سايكەس كەلەدى، سوندىقتان دەمالىس دۇيسەنبى، 10-ناۋرىزعا اۋىستىرىلادى.

بەس كۇندىك جۇمىس اپتاسىنداعىلار ءۇشىن 8، 9 جانە 10-ناۋرىز - دەمالىس كۇندەرى؛

التى كۇندىك جۇمىس اپتاسىنداعىلار ءۇشىن 8 جانە 9-ناۋرىز - دەمالىس، ال 10-ناۋرىز - جۇمىس كۇنى.