قازاقستاندىقتار ەلدەگى مۇناي-گاز قورلارى مەن ءوندىرىسىن قاداعالاي الا ما
قازاقستاندىقتاردىڭ ەلدەگى مۇناي-گاز قورلارى مەن ءوندىرىسىن ناقتى ۋاقىت رەجيمىندە قاداعالايتىن مۇمكىندىگى بولا ما؟
بۇل سۇراققا ق ر ەنەرگەتيكا ۆيتسە-ءمينيسترى باقىتجان ءىلياس جاۋاپ بەردى، دەپ حابارلايدى Kazinform ءتىلشىسى.
ۆيتسە-مينيستر ەلدەگى مۇناي كەن ورىندارى، جانار-جاعارماي بەكەتتەرى، مۇناي وڭدەۋ زاۋىتتارى سيفرلاناتىنىن، بارلىق اقپاراتتىق جۇيەلەر ءتورت پوزيتسيا بويىنشا قارالىپ جاتقانىن اتاپ ءوتتى. مۇنداي جۇيەنىڭ ەنەرگەتيكا مينيسترلىگىنە، باسقا مەملەكەتتىك ورگاندارعا، بيزنەس جانە ازاماتتار ءۇشىن پايداسى ەسكەرىلەدى.
«ءاربىر اقپاراتتىق جۇيەنىڭ ءوز بەنەفيتسيارلارى بولادى. مىسالى، مۇناي-گازدى ەسەپكە الۋ جۇيەسىنىڭ بەنەفيتسيارى ەنەرگەتيكا مينيسترلىگى بولىپ بەلگىلەنگەن. مەملەكەتتىك كىرىستەر كوميتەتى - بيزنەس سۋبەكتىلەرىن كامەرالىق تەكسەرۋ ءۇشىن بەكىتىلەدى جانە ازاماتتار تارتىلادى. ويتكەنى كامەرالىق تەكسەرۋ ارقىلى بيۋدجەتكە اقشا ءتۇسىمىنىڭ تيىمدىلىگى جاقسارادى، ءبىراق كاسىپكەرلىك سۋبەكتىلەرىنىڭ وزدەرى بۇعان مۇددەلى بولماۋى مۇمكىن، دەگەنمەن ولار زاڭ جۇزىندە مىندەتتى»، - دەدى باقىتجان ءىلياس.
ۆيتسە-ءمينيستردىڭ ايتۋىنشا، قوعامدىق باقىلاۋ ءۇشىن، كوپشىلىككە قول جەتكىزۋ ءۇشىن اقپاراتتى قولجەتىمدى ەتۋ جۇمىستارى جۇرگىزىلۋدە.
«ءالى دە ءبىراز ادام بىلمەۋى مۇمكىن، ءبىراق بىزدە اقپاراتتىق-تالداۋ ورتالىعى بار، ونىڭ بازاسى بۇگىنگى كۇنى اتتەستاتتاۋ-تالداۋ ورتالىعى بولىپ قايتا قۇرىلدى. كۇن سايىن مۇناي مەن گاز ءوندىرۋ كولەمى جاريالاناتىن تەلەگرام-كانال بار. تاعى ءبىر نارسە - بۇل اقپاراتتى ازاماتتارعا جەتكىزۋ كەرەك» - دەپ تولىقتىردى ۆيتسە-مينيستر.
