قازاقستاندىقتار جۇمىسقا QR كود ارقىلى ورنالاسا الادى

ەلىمىزدە جۇمىسقا انىقتاماسىز ورنالاسۋ مۇمكىندىگى جاسالادى. بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى Kazinform.

жұмысқа орналасу
Фото: Фото: pixabay.com

«الداعى ۋاقىتتا ءبىز نەگە نازار اۋداراتىن بولامىز؟ تاياۋ ۋاقىتتىڭ ىشىندە جۇمىسقا انىقتاماسىز (قاعاز جۇزىندەگى - رەد. ) ورنالاسۋ مۇمكىندىگىن جاسايتىن بولامىز. جۇمىسقا ورنالاسقان ءاربىر ادام ءتىپتى، ەلەكتروندى نۇسقاداعىسىن باسىپ شىعارىپ، كادر بولىمىنە اپارۋ قاجەتتىگىن بىلەدى. ءبىز بۇگىن پرەزيدەنتكە تانىستىرعانداي، QR مەن عانا جۇمىسقا ورنالاسىپ، ەڭبەك كەلىسىمشارتىنا قول قوياتىنداي جاسايمىز» ، - دەدى مينيستر ەلوردادا ءوتىپ جاتقان Digital Bridge 2023 حالىقارالىق تەحنولوگيا فورۋمىندا.

ەسكە سالايىق، بۇگىن استانادا IT يندۋسترياسىنىڭ سوڭعى ۇردىستەرى مەن دامۋ پەرسپەكتيۆالارىن تالقىلاۋعا ارنالعان ورتالىق ازياداعى ەڭ ءىرى الاڭ Digital Bridge 2023 فورۋمى باستالدى. شارانىڭ اشىلۋ راسىمىنە مەملەكەت باسشىسى قاسىم- جومارت توقايەۆ قاتىسىپ، ءسوز سويلەدى. سونداي- اق پرەزيدەنت فورۋم اياسىندا وتكەن كورمەگە باردى.

بيىل Digital Bridge حالىقارالىق فورۋمىنا 20 مىڭنان استام ادام جينالدى. ونىڭ ىشىندە 300 دەن استام IT كومپانيانىڭ وكىلدەرى جانە 30 ەلدەن كەلگەن دەلەگاتسيا بار.

سوڭعى جاڭالىقتار