قازاقستاندىقتار ءالى دە كوروناۆيرۋس جۇقتىرىپ جاتىر

ق ر دەنساۋلىق ساقتاۋ ءمينيسترى اجار عينيات ەلدەگى كوروناۆيرۋس ىندەتىنىڭ تارالۋىنا قاتىستى سوڭعى دەرەكتەرمەن ءبولىستى، دەپ حابارلايدى kazinform.

«COVID-19 ينفەكسياسى تارالۋىنىڭ توقتاعانىنا قاراماستان، ءبىز ەلدەگى جانە الەمدەگى ەپيدەميولوگيالىق جاعدايعا مونيتورينگ جۇرگىزۋدى جالعاستىرۋدامىز. وتكەن جىلى جەلتوقساندا 43 ەلدە اتالعان ۆيرۋستىڭ تارالۋى ءوستى، ال 36 ەلدە تومەندەۋ بايقالادى. ەلىمىزدە كوروناۆيرۋس بويىنشا ەپيدەميولوگيالىق جاعداي تۇراقتى. وتكەن جىلدىڭ ەكىنشى جارتىجىلدىعىندا اي سايىن 100 دەن 400 گە دەيىن جاعداي تىركەلدى. بۇل كوروناۆيرۋس ينفەكسياسى جىل بويى تارالادى دەگەن ءسوز»، - دەدى اجار عينيات ۇكىمەت وتىرىسىنان كەيىن وتكەن بريفينگىدە.

مينيستر كەلتىرگەن دەرەكتەر بويىنشا وتكەن جىلى رەسپۋبليكادا COVID-19-نىڭ 12121 قازاقستاندىق اتالعان دەرتتەن ەمدەلگەن.

ونىڭ ايتۋىنشا، حالىقتىڭ وسال توپتارىن قايتا ۆاكسينالاۋ شاراسى ءجۇرىپ جاتىر.