قازاقستاندىقتار بالا تاربيەسىندە قانداي قۇندىلىقتارعا ءمان بەرەدى - ساۋالناما

 استانا. KAZINFORM – ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى ايدا بالايەۆا بالا تاربيەسىندە ەرەكشە كوڭىل بولىنەتىن وتباسىلىق قۇندىلىقتاردى اتادى.

«ۇلتتىق كوميسسيا بالالار مەن جاستاردى رۋحاني- ادامگەرشىلىك قۇندىلىقتارىنا تاربيەلەۋ ماسەلەلەرى بويىنشا ۆەدومستۆوارالىق بايلانىستى قامتاماسىز ەتەدى. ساۋالناماعا سۇيەنسەك، قازاقستاندىق وتباسىنداعى بالا تاربيەلەۋدەگى باستى قۇندىلىقتار ول - ەڭبەكسۇيگىشتىك %33,8، ءوزىن- ءوزى قۇرمەتتەۋ %31,8، ادالدىق %31,7، ۇلكەندەر %25,3 جانە اينالاسىنداعىلارعا قۇرمەت %16,6»، - دەدى ايدا بالايەۆا سەناتتا وتكەن ۇكىمەت ساعاتىندا.

ونىڭ ايتۋىنشا، وتباسى قۇندىلىقتارىن نىعايتۋدا اقپاراتتىق ساياساتتىڭ ماڭىزى زور.

«وتباسىلىق قۇندىلىقتار تۋرالى ب ا ق جانە ينتەرنەت- رەسۋرستاردا باسپا، اۋديو، بەينە، سيفرلىق ماتەريالدار تۇراقتى جاريالانىپ تۇرادى. مينيسترلىك ازىرلەگەن باعدارلامادا قوعامنىڭ ەڭ وزەكتى ماسەلەلەرى ونىڭ ىشىندە وتباسى قۇندىلىقتارى، كونە جانە جاڭا داستۇرلەر، تۇرمىستىق زورلىق-زومبىلىق، بالا تاربيەسى، وتباسى جانە دەموگرافيا سەكىلدى تاقىرىپتار قامتىلعان»، - دەيدى ول.

ايدا بالايەۆا كەلتىرگەن مالىمەتتەرگە سايكەس، وسى كۇنگە دەيىن ب ا ق- تا 4106 ماتەريال جاريالاندى. ونىڭ ىشىندە 504 ءى رەسپۋبليكالىق، 1527 ءسى وبلىستىق سول سياقتى ينتەرنەت رەسۋرستاردا 2075 اقپارات. ودان بولەك، الەۋمەتتىك جەلىلەردە 3671 جازبا شىقتى.