قازاقستاندىقتار ارنايى چات-بوت ارقىلى ۇيدەن شىقپاي-اق زاڭ كەڭەسىن الۋى مۇمكىن

استانا. KAZINFORM - ادىلەت ءمينيسترى ەرلان سارسەمبايەۆ ۇكىمەت وتىرىسىندا زاڭ كەڭەسىن تەگىن بەرەتىن چات-بوتتى ىسكە قوسۋدى ۇسىندى. 

- ازاماتتاردىڭ وتەۋسىز نەگىزدە قۇقىقتىق كەڭەس الۋ تەتىگى پىسىقتالۋدا. ءقازىر مەملەكەت كەپىلدىك بەرگەن زاڭ كومەگى اياسىندا كەڭەس الۋ ءۇشىن ازاماتتار ادۆوكاتتارعا نەمەسە زاڭ كەڭەسشىلەرىنە جۇگىنەدى. بۇل ءراسىمدى وڭتايلاندىرۋ ءۇشىن ازاماتتارعا «ۇيدەن شىقپاي» كەڭەس بەرۋگە ارنالعان چات-بوتتى ەنگىزۋ ۇسىنىلادى، - دەدى ەرلان سارسەمبايەۆ.

ال قۇقىق كەڭەستەرىن بەرۋدەن بوساعان قاراجاتتى سوت وكىلدىگىنە ەڭبەكاقى تولەۋ تاريفتەرىن ۇلعايتۋعا جىبەرۋ ۇسىنىلىپ وتىر.

- زاڭ كونسۋلتانتىنىڭ قىزمەتى بويىنشا ماماندىققا كىرۋ، ازاماتتىعىنا قاتىستى تالاپتاردى، ءبىرىڭعاي ستاندارتتى، ساپا ولشەمشارتىن، زاڭگەردىڭ كاسىبي ادەپ كودەكسىن بەكىتۋ پىسىقتالىپ جاتىر، - دەدى مينيستر.