قازاقستاندىقتار 2023-جىلى ح ق ك و ارقىلى قانشا ءتولقۇجات پەن جەكە كۋالىك الدى
قازاقستاندىقتار 2023-جىلى ح ق ك و ارقىلى 2,6 ميلليون استام ءتولقۇجات پەن جەكە كۋالىك الدى، دەپ حابارلايدى Kazinform.
«ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- تان تۇسكەن مالىمەتكە قاراعاندا، 2022-جىلى 2,3 ميلليون ازاماتقا جەكە باسىن كۋالاندىراتىن قۇجات بەرىلگەن بولاتىن.
باتىس قازاقستان وبلىسى فيليالىندا 2023-جىلى 88546 مىڭنان استام ءتولقۇجات پەن جەكە كۋالىك (2022-جىلى-78226) تابىس ەتىلدى.
ال استانا مەن الماتى قالالارىندا ورناتىلعان قۇجاتتاما تەرمينالدارى ارقىلى سوڭعى ءبىر جىلدا 19 مىڭعا جۋىق ادام ءوتىنىش بەرگەن.
«تەرمينالدار ۋاقىتتى ۇنەمدەيدى جانە بىرنەشە مينۋت ىشىندە ءوتىنىش بەرۋگە مۇمكىندىك بەرەدى. ازاماتتاردىڭ ىڭعايلىلىعى-ءبىزدىڭ جۇمىسىمىزدىڭ باسىمدىعى جانە ءبىز مەملەكەتتىك قىزمەتتەردى كورسەتۋدى ودان ءارى جەتىلدىرىپ، ءاربىر قازاقستاندىق ءۇشىن مۇمكىندىگىنشە ءتيىمدى جانە جەدەل بولاتىنداي ەتەمىز»، - دەدى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق باسقارما ءتوراعاسى ارمان كەنجەعاليەۆ.
ۆەدومستۆو ءمالىم ەتكەنىندەي، 2024-جىلعا كەلەسىدەي مەملەكەتتىك باج الىمى بەلگىلەندى: ق ر ازاماتىنىڭ 36 پاراقتى ءتولقۇجاتى ءۇشىن – 8 ا ە ك، 48 پاراقتى ءتولقۇجات ءۇشىن - 12 ا ە ك، 24 پاراقتى ءتولقۇجات ءۇشىن (16 جاسقا دەيىنگى بالالارعا) - 4 ا ە ك. جەكە كۋالىك ءۇشىن تولەم 0,2 ا ە ك.
ايتا كەتەيىك، وتكەن جىلى ءتولقۇجاتتار مەن جەكە كۋالىكتەردى بەرۋ سۇرانىستاعى ءۇشىنشى مەملەكەتتىك قىزمەت قاتارىنان تابىلدى.
